E fundit!

08:44 Kronika

Moti i keq në vend/ Humb jetën elektriçisti

Moti i keq që përfshiu vendin mbrëmjen e së martës ka lënë...

Gjergj Bojaxhi: Parku i Liqenit do gllabërohet nga ndërtimet

20 Maj 2015, 11:55, Politikë CNA

Kandidati i pavarur për Bashkinë e Tiranës, Gjergj Bojaxhi, vijon me denoncimet për ndërtimet tek Parku i Liqenit. Bojaxhi tha se politika e ka shfrytëzuar kryeqytetin për të ndërtuar dhe për tu pasuruar. “Tani që nuk ka mbetur më asnjë vend i lirë, po synohet të ndërtohet tek Parku i Madh, i cili do të gllabërohet nga ndërtimet”.

Ja çfarë shkruan Bojaxhi:

Ditët e fundit kemi qëndruar në disa pika të Parkut të Liqenit në të cilat Plani Rregullues i Tiranës parashikon ndërtime pa asnjë kufizim në lartësi. E vërteta e hidhur është se i pothuajse i gjithë perimetri i parkut të liqenit është caktuar për ndërtime që gllabërojnë hapësira të parkut.

Të gjitha zonat me të kuqe në hartën poshtë k?toj mesazhi janë paracaktuar për ndërtime dhe në disa prej tyre ndërtimet kanë filluar:
? Zona midis Korpusit të Universitetit dhe Gardës;
? I gjithë territori ku sot është Garda;
? Toka në formë trekëndëshi në rrëzë të digës;
? Zona e parkut përballë ekonomikut;
? Pjesë të kurorës së parkut nga ana e Saukut;
? Zona nën digën e liqenit, ku tashmë ka filluar ndërtimi.

Ky masakrim i parkut të liqenit ka ndodhur në bashkëpunim të ngushtë mes të gjithë kryeministrave dhe kryetarëve të Bashkisë që nga viti 2004:

? Në bashkëpunim mes pushtetit lokal dhe qeverisë nga parku i Tiranës janë hequr më shumë se 700 mijë metër katrorë. E gjithë kjo sipërfaqe është kthyer në truall ndërtimi.

? Në vitin 2006, Kryebashkiaku Rama dhe Kryeminstri Berisha vulosën ndërrimin e sipërfaqëve të gjelbërta të parkut në zona ndërtimi.

? Në vitin 2012, Kryebashkiaku Basha dhe Kryeministri Berisha në planin rregullues të Tiranës rikonfirmuan betonizimin e ketyrë zonave.

Qindra mijra metra katrorë gjelbërim tani janë në prag të mbulimit me qindra mijra kilogram beton. Nëse këto plane nuk do ndalen, shumë shpejt nuk do të ketë më as park dhe as liqen. Shumë shpejt kjo zonë do të quhet zona e ish-parkut të liqenit.

Politikanët e korruptuar dhe klientët e tyre janë bërë gjithmonë bashkë për të grabitur qytetin. Tani duhet që ne qytetarët të bëhemi bashkë për të ndalur shkatërrimin e qytetit. Partitë politike dhe kandidatët e tyre do të luajnë teatër në këtë fushatë. Ata do flasin për çdo gjë e do premtojnë çdo gjë, por nuk do flasin asnjëherë për planet e tyre dhe të klientëve të tyre kundër qytetit. Për ta ne jemi dele, kurse Tirana është hambar që duhet bastisur. Për ne Tirana është shtëpi dhe më 21 qershor ne do t?i tregojmë kastës politike që ne nuk jemi dele.