web counter
LEXO PA REKLAMA!

SHKARKO APP

App Store
Google Play

E fundit!

x

Fatos Klosi: BE-SHBA listë të gjatë me kandidatë dhe politikanë të dyshimtë, të inkriminuarit kanë përdorur emra të ndryshëm në shumë shtete

19 Maj 2015, 07:06, Politikë CNA

Ish-kreu i Shërbimit Informativ Shtetëror, Fatos Klosi, ka komentuar konfliktin e nxehtë mes klasës politike dhe Perëndimit, për kandidatët me rekorde të mundshme kriminale në zgjedhjet e 21 Qershorit. Klosi tha se SHBA dhe prezenca e Brukselit në Shqipëri, kanë një listë me kandidatë dhe politikanë të dyshuar si të inkriminuar.   Klosi tha se emrat në listën e ndërkombëtarëve nuk janë persona të dënuar, por thjesht dyshohen për veprimtari të paligjshme. Sipas tij, këtu qëndron konflikti mes PS-PD, pasi mazhoranca dhe opozita refuzojnë të largojnë kandidatët e dyshuar, por vetëm ata që janë të dënuar. ?Ndërkombëtarët kanë një listë me kandidatë të dyshuar, të cilët u kërkojnë partive politike që t?i largojnë nga lista e 21 Qershorit. Këtu qëndron konflikti mes ndërkombëtarëve dhe klasës politike shqiptare, pasi kjo e fundit ka larguar vetëm ata që janë të dënuar, ndërsa të dyshuarit siç duket i ka ende në lista. Ndërkombëtarët kërkojnë që PD dhe PS të largojnë nga listat edhe ata që janë të dyshuar si të inkriminuar. Do të shohim se sa të gatshëm do të jenë ndërkombëtarët. Është vështirë të identifikohen kandidatët e inkriminuar pasi në shtete të ndryshme mund të kenë përdorur emra të ndryshëm. Duhet një bashkëpunim i fortë mes organeve ligjzbatuese për identifikimin e tyre?, u shpreh Klosi.   Ish-kreu i SHISH theksoi se në lista nuk ka pse të ketë edhe kandidatë të dyshuar, kur shumë të rinj dhe të reja mund të përfaqësojnë elektoratin në zgjedhjet lokale të 21 qershorit. ?Ndërkombëtarët me të drejtë mendojnë se në lista nuk duhet të ketë as kandidatë të dyshuar. Shumë vajza dhe djem të rinj, apo edhe individë të tjerë që nuk dyshohen për veprimtari kriminale, mund të jenë pjesë e listës së 21 Qershorit, në vend të atyre që dyshohen. Populli ka një shprehje: Ku ka zë s?është pa gjë!?, u shpreh Klosi.

Të dekriminalizohet politika

Ish-kreu i SHISH theksoi se fillimisht duhet të dekriminalizohet politika. Ai thotë se liderët e politikës shqiptare nuk duhet të përfshijnë në listat e deputetëve, individë me të kaluar kriminale. ?Duhet të dekriminalizohet politika. E rëndësishme është që të dekriminalizohet politika aktuale, nëse duam të shikojmë nga e ardhmja?Dhe mendoj se më e rëndësishme është që të dekriminalizohet politika nga krimet që janë bërë pas viteve ?90 dhe që janë aq të dukshme si krime nga autorë që vazhdojnë të jenë aktivë në politikë?, u shpreh Klosi. Ish-kreu i SHISH, duke iu referuar krimeve të politikanëve, theksoi se Berisha duhet të largohet përfundimisht nga politika, pasi mban rekord për krime. ?Berisha ka bërë një sërë krimesh të përbindshme. Ai është autori i 21 Janarit ku u vranë 4 njerëz të pafajshëm, ai është autori i Gërdecit, ku humbën jetën 26 njerëz, ai shiti detin dhe trojet shqiptare, pa folur për ?97-n dhe ?98-n e për sa e sa ngjarje të tjera tragjike?, u shpreh Klosi, duke iu referuar çështjes së shumë debatuar të dekriminalizimit.





Lajmet e fundit nga