Ngjarja në Ersekë/ Duro: Nga e dinit që do qëllonte xhaxhain apo ishit pjesë dhunës?

7 Maj 2015, 20:06, Politikë CNA

Kandidati i Partisë Demokratike në Ersekë ka akuzuar rivalin e tij se ka qenë pjesë e skenarit të dhunës e cila ndodhi gjatë një takimi të strukturave të PD-së me kryetarin Lulzim Basha. Duro shkruan se dhuna ka ardhhur si pasojë e frikës së kundërshtarit nga humbja që do ti faturohet më 21 qershor.

Ja çfarë shkruan ai

“HEDHIN GURIN DHE FSHEHIN DORËN”
Miq, vëllezër kolonjarë nuk është kjo ajo që NE duam tu ofrojmë qytetarëve në këtë fushatë! Por jo gjithçka është në dorën tonë.
Hedhim poshtë me neveri skenarin provokativ me tentativë dhunën ndaj kryetarit të PD Z.Lulzim Basha, e cila si qëllim kishte zbehjen e entuziazmit qytetar në mbështetje të fitores sonë të përbashkët.
I kujtojmë kandidatit përkarshi se frika nuk është nga fshati ynë dhe të mos struket si struci por të pranojë autorësinë e këtij icidenti të rëndë që si damkë turpi dhe burracakërie do ti qëndrojë përpara opinionit qytetar të Kolonjës.
Z. Arben Malo, në të kanë lënë nervat dhe të ka plasur cipa, duhet urgjent dhe pa shkuar vonë të kërkosh falje publike përpara gjithë Kolonjarëve për turpin që u shkaktove përballë shqiptarëve!
Kolonja ka tradita mikpritëse dhe kulturë të lashtë sa toka dhe s’mund të pranojë që ta bësh turpin e dheut as TY, as ata gjak prishur që marrin mëndtë e tu!
Ti bie vetë brënda me fjalët e tua:”27 Vjeçari Liço donte të qëllonte xhaxhain”. Po bëjmë sikur është siç thua TI.
Por, TY të nxjerr lakuriq nje pyetje:”Nga e ditke zotrote se Suel Liço donte të qëllonte xhaxhanë”? Apo kështu e kishit stisur llafin me atë fatzinë mjeran që të shkoi avazit dhe i faturuat burgun !?
NE Kolonja, dhe shumë të tjerë të velur nga mashtrimet tuaja që po ju braktisin dhe po i bashkohen projetit tonë për T’I NDRYSHUAR FAQEN KOLONJËS, do ta lajmë turpin tuaj më 21 Qërshor ku njëherë e mirë do ta heqim namin e zi se Kolonja do vetëm shpurën tuaj edhe sikur xhaketën të varrni!

Vëllezër Kolonjarë, ne jemi të qartë në projektin tonë për ta nxjerrë Kolonjën nga bataku 25 vjeçar, pasi dhe ky akt paburrërie i “trimave” poture-rënë na ka motivuar më shumë se kurrë më parë në drejtësinë e rrugës sonë. Ne i refuzojmë intrigantët pazarxhinjtë, burracakët dhe gjakprishurit!
Do tu shikojmë në sy JU të dashur kolonjarë dhe do të përpiqemi me ndershmëri dhe fjalë zemre ti tregojmë mbarë shqiptarëve se Kolonja dhe Kolonjarët nuk kanë asgjë të përbashkët me ndodhinë e mbrëmjes së 6 Majit, por janë një popull që dijnë të mirëpresin dhe të ndërtojnë një të ardhme ndryshe.
Ju Falemnderit !!!