web counter
LEXO PA REKLAMA!

SHKARKO APP

App Store
Google Play

Lezhë/ Ishte i shpallur në kërkim, arrestohet 20 vjecari Emiljano Lleshaj

25 Prill 2015, 07:32, Aktualitet CNA

Në vijim të punës së bërë nga Strukturat e Drejtorisë së Policisë së Qarkut Lezhë  për kapjen e personave të shpallur në kërkim , më datën 24.04.2015,  nga ana e Komisariatit të Policisë Kurbin është bërë kapja  dhe ndalimi i shtetasit të shpallur  në kërkim:

Emiljano Lleshaj, 20  vjeç, banues në Mamurras  Kurbin.

Kapja dhe ndalimi i shtetasit  të sipërpërmendur u bë pasi, ishte person i shpallur në kërkim.

Më datën 11.04.2014,  në orën 18.00, në Mamurras, Kurbin, duke drejtuar mjetin autoveturë Alfa Romeo me targë AA 262 CV, nuk i është bindur urdhrit të punonjesve të policisë për të ndaluar dhe në fshatin Zhejë Kurbin, ka braktisur mjetin dhe është larguar.

Gjithashtu shtetasi Emiljano Lleshaj dyshohet të jetë pjesmarrës  si një nga autorët, në dy vjedhjet  me armë,  të ndodhura në Fushë Mamurras Kurbin, më datat 05, 07 dhe 11.04.2015.

Ky shtetas  u kap sot ne qytetin Mamurras, pas një punë të mirë organizuar nga forcat e Komisariatit të Policisë Kurbin.

Materialet i kalojnë Prokurorisë së Rrethit Gjyqesor Kurbin për veprime të mëtejshme.

Në vijim të masave të marra për parandalimin e dhunës në familje , nga strukturat e Komisariatit  te Policisë Lezhë u arrestua në flagrance shtetasi F.GJ ,vjeç 41, banues në Lezhë.

Arrestimi i tij u bë ,pasi në menyrë të vazhdueshme prej 12-vitesh, ka ushtruar dhunë fizike dhe psikologjike, duke i shkaktuar plagë në kokë e trup, bashkëshortes  së  tij.

Nga ana jonë plotesua dhe kërkesë-padia për lëshimin e Urdhërit Menjëhershem të Mbrojtjes.

Materialet i kalojnë Prokurorisë së Rrethit Gjyqësor Lezhë për veprën penale ?Dhunë në familje? parashikuar nga neni 130/a dhe Gjykates së Rrethit Gjyqësor Lezhë për leshimin e Urdhërit të Mrojtjes në bazë të ligjit Nr.9669 datë 18.12.2006 për ?Masat ndaj dhunës në marrëdhëniet familjare?.

 

 





Lajmet e fundit nga