web counter
LEXO PA REKLAMA!

SHKARKO APP

App Store
Google Play

INSTAT/ Popullsia në vend gjatë viteve 2010-2015, është zvogëluar

20 Prill 2015, 18:30, Aktualitet CNA

Popullsia në Shqipëri në shumicën e qarqeve do të ketë rënie, me përjashtim të Tiranës, Durrësit dhe Vlorës. Ky është projeksioni I INSTAT I parashikuar për vitet 2011-2031. Numri i banorëve të qarkut të Tiranës parashikohet të rritet me 25% dhe nga 763.560 banorë në vitin 2011, të arrijë në 965.108 në vitin 2031. Rritja e popullsisë në dy dekadat që vijnë, parashikohet të jetë shumë më e kufizuar në qarqet Durrës dhe Vlorë, me rreth 3%.

Rënia më e shpejtë e popullsisë pritet të ndodhë në qarqet Kukës dhe Dibër në veri dhe në Gjirokastër në jug, ku popullsia pritet të zvogëlohet me rreth 30% deri në vitin 2031. Pjesa tjetër e vendit do të përfshihet nga një rënie e popullsisë nga 10-20% deri në vitin 2031. Gjithçka lidhet me rolin negativ që vijon të luajë migracioni neto në rënien e popullsisë në shkallë vendi, pavarësisht se shtesa natyrore vazhdon të jetë pozitive.

Nga Janar-2010-Janar 2015 popullsia në vend është zvogëluar me rreth 26 mijë banorë, si pasojë e shtesës natyrore të popullsisë dhe migracionit neto. Ndërsa popullsia në Shqipëri gjatë viteve 2010-2014 ka rënë mesatarisht çdo vit me 1.8 për mijë banorë, me rritje janë vetëm 2 qarqe, Tirana dhe Durrësi.





Lajmet e fundit nga