web counter
LEXO PA REKLAMA!

SHKARKO APP

App Store
Google Play

Ardian Turku: Garat do të jenë të forta, por qeveria do të marrë mësim për arrogancën

19 Prill 2015, 19:53, Aktualitet CNA

Kandidati i Partisë Demokratike për Bashkinë e Elbasanit, Ardian Turku është shprehur se gara për këtë qytet do të jetë e fortë. Në një intervistë për të përditshmen “Mapo” ai ka shtuar se përsa i takon menaxhimit të Elbasanit, vihet re një regres i dukshëm.

“Do ta filloja me asfiksimin e demokracisë lokale, mandej me keqmenaxhimin financiar duke e çuar bashkinë në situatë kritike, me mosdëshirën pothuaj tetëvjeçare për planifikimin e territorit, rënien drastike të cilësisë së shërbimeve publike etj. Nuk mund të fshihen dobësitë pas shumave të parave që mund të vijnë në një moment a konjukturë të caktuar, për investime apo pas kredive marramendëse të marra e që shpejt do thyejnë kurrizin e buxhetit bashkiak. Do të dëshiroja që në këtë fushatë, për arsye të njohjes reciproke të punës në këtë bashki, të debatonim disa herë, publikisht, gjatë fushatës.” është shprehur Turku për rivalin e tij, Qazim Sejdini, i cili momentalisht është kryetar i Bashkisë ë Elbasanit.

I pyetur për sondazhet, ai tha se fillimisht kanë qenë për të parë mbështetjen qytetare për përzgjedhjen e kandidaturës, ndërsa shtoi se të tjera janë duke u zhvilluar.

Për sa i përket kandidatëve, ai tha se ppozita dhe posaçërisht PD-ja ka kandiduar profile nga më të mirat, në kompleksitetin e tyre, ndërsa theksoi se garat do të jenë të forta, por ai shprehu siguri se qytetarët do i japin një mësim shembullor arrogancës së majtë.





Lajmet e fundit nga