web counter
LEXO PA REKLAMA!

SHKARKO APP

App Store
Google Play

E fundit!

x

Tabaku: Ekonomia që po detyron shqiptarët të largohen

18 Prill 2015, 18:15, Aktualitet CNA

Deputetja e Partisë Demokratike Jorida Tabaku është shprehur se vështirësitë e mëdha ekonomike po detyrojnë qytetarët të largohen nga Shqipëria. Përmes një postimi në rrjetin social Facebook, ajo akuzon qeverinë për premtimet e pambajtura. Duke u ndalur në situatën ekonomike, Tabaku argumenton se taksa fiskale ka sjellë një informalitet të bizneseve. “Kjo politikë fiskale që nuk është as mish e as peshk (as e majtë e as e djathtë) ka sjellë si rezultat biznese informale, të cilët për të mbijetuar i fshihen një shteti që tregohet i pashpirt ndaj atyre që janë ende formalë. Biznese të cilat nuk kanë ndërmend të investojnë tani që shteti u merr abuzivisht më shumë taksa, konsumatorë që nuk kanë më besim tek politikat ekonomike dhe mbi të gjitha investitorë të huaj që preferojnë të zgjedhin Serbinë dhe jo Shqipërinë. Sepse atje, bëhet biznes më thjeshtë, qeveria i gjen të gjitha mënyrat për të ndërtuar një ekonomi më të shëndetshme dhe një ambient më pozitiv ndaj investimeve të huaja.” shprehet Tabaku.

Ndërsa vijon argumentimin se janë një sërë problemesh të tjera që kanë shkaktuar këtë eksod të shqiptarëve. “Premtimet e kësaj qeverie sigurisht që tashmë nuk gënjejnë më kënd. A nuk është reforma e Arsimit të Lartë tërësisht klienteliste një provë? A nuk është reforma e pacipë e pensioneve me të cilën pasurohen ata që janë të pasur ndërkohë që 95% e qytetarëve u jepet aq sa për 17 kokrra vezë? A nuk është politika fiskale as më shumë e as më pak se sa një masakër ndaj kursimeve të qytetarëve dhe ekonomisë? A nuk është politika ndaj krimit vetëm një fasadë për të mbuluar atë që realisht po i vret shqiptarët nga foltoret e tempullit të demokracisë?

“Prandaj, edhe njerëzit vazhdojnë të ikin për të mos u kthyer më.” vijon Tabaku.





Lajmet e fundit nga