E fundit!

19:02 Kronika

Autori i maskuar me maskë dhe paruke/ Zbulohen detaje nga atentati në Elbasan

Tre persona janë plagosur me armë zjarri një natë më parë ...

“Shtëpia pa dritare”/ Publiku kërkon rikthimin në skenë të komedisë së Saimir Gongos

16 Prill 2015, 18:49, Kulturë CNA

Pas suksesit të jashtëzakonshëm që ka patur që nga premiera e saj, komedia ?Shtëpia pa dritare? rikthehet në skenën e Teatrit Kombëtar edhe gjatë kësaj fundjave (17/18/19 prill 2015 ora 19:00), në bazë të kërkesave të shumta që pikërisht Teatri Kombëtar ka pasur nga publiku i cili ka shfaqur një interes të madh për ta riparë shfaqien.

Kasta e aktorëve si Sokol Angjeli , Neritan Liçaj , Eva Alikaj, Gerti Ferra, Ergys Çekrezi , Enkel Gurakuqi dhe Indrit Çobani në regjinë e Saimir Gongos, do të rikthehejnë në skenë përsëri shfaqen e përzgjedhur si pjesë e sezonit artistik të TK-së, nga aktiviteti ?Netët e leximit të dramës shqipe?.

Me sa duket, komedia që vendos në qendër njeriun e thjeshtë dhe shqetësimet e përditshme, e cila flet pikërisht për vështirësitë që has ai në kufijtë e pamundësisë për të jetuar ndershëm, dhe me moral, u ka pëlqyer mjaft miqëve të teatrit të cilët me anën e kërkesave të tyre e kanë rikhyer veprën e shkruar nga vetë regjisori Gongo në skenën e Teatrit Kombëtar.

Sinopsi

Në lajme i shikon dhe në kronikat e lajmeve, flitet për politikanë dhe politika, për të ardhmen Europiane të atdheut dhe sfidat e mëdha me të cilat duhet të përballemi, luftën për korrupsionin dhe drejtësinë, për informalitetin dhe taksat e pa dhe të paguara, për gjithcka dhe të gjithë. Një gjë e vogël pastaj është harruar dhe me të drejtë në këtë furtunë informacioni. Njeriu i thjeshtë dhe shqetësimet e përditëshme të tij. Dhe ja ku po vijmë me një ?provokim? të flasim pak për këtë njeri si dhe???.. për vështirësitë në kufijtë e pamundësisë për të jetuar në mënyrë të ndershme, mbështetur mbi moralin në Shqipëri. Për luftën e përditëshme të heroit të paemër për të cilin askush nuk flet, qytetarit të thjeshtë. Thamë një hero i paemër, por ne do ta quajmë Neritan se është fort i ndershëm, aq sa ka ndërtuar një shtesë pranë shtëpisë së tij krejt pa dritare. Po, se beson në ligj dhe ligji nuk të lejon të bëshdritare përballë dritares së komshiut. Por ndonëse është kaq i rregullt dhe i sinqertë do ti duhet të përballet me një sërë rrethanash dhe personazhesh që nuk ndajnë të njëjtat parime morale me heroin tonë.

Dhe ai lufton një betejë epike, të padukshme dhe heroike, që ka njëzetekatër vite që zhvillohet në vendin tonë. Do t?ja dalë mbanë?