web counter
LEXO PA REKLAMA!

SHKARKO APP

App Store
Google Play

E fundit!

x

Roland Bejko: Kandidatja e LSI-së për Gjirokastrën shkel ligjin

15 Prill 2015, 19:45, Aktualitet CNA

Kreu i Partisë Demokratike në Gjirokastër, Roland Bejko ka denoncuar shkeljen e ligjit nga ana e kandidates së LSI-së për Bashkinë e  Gjirokastrës,Zamira Rami, njëherësh edhe prefekte e qarkut Gjirokastër. Përmes një deklarate për shtyp, Bejko tha se referuar ligjit, prefekti e ka të  ndaluar të zhvillojë aktivite politike.

DEKLARATA E PLOTË

Të gjithë e dimë tashmë që forca politike LSI i ka marrëdhëniet të vështira me ligjin. Abuzimi me ligjin fillon me Prefekten dhe mbaron me antarët më të thjeshtë të saj.

Prefekti i Qarkut Gjirokastër zj.Zamira Rami, e cila e ka per detyrë të parë që të jetë gardiania e ligjit, është edhe shkelësja më e rëndomtë e tij.
Prej ditësh qytetarët e Gjirokastrës që ndjekin mediat, e kanë të vështirë të dallojnë ku mbaron detyra e Prefektit dhe ku fillon ajo e kandidatit për kryetar bashkie.
Prefektja Rami organizon takime për të dëgjuar qytetarët dhe grupet e interest në orarin e punës, duke angazhuar stafin dhe infrastrukturën e Prefekturës për llogari të kandidatit për kryetar bashkie që është vetë Ajo.
Prefekti e ka të ndaluar me ligj që të zhvillojë aktivite politike.
Prefektja Rami ka shkelur Ligjin për Prefektin Nr.8927,dt.25.07.2002, Neni 5, ku shprehimisht thuhet;
??Funksioni i Prefektit është i papajtueshëm me çdo mandat zgjedhor e me çdo funksion tjetër publik,… me përjashtim të mësimdhënies dhe të veprimtarive shkencore?

Në këto kushte zj. Zamira Rami, nuk mund të jetë njëherësh dhe Prefekte e Qarkut Gjirokastër edhe kandidate për kryetar bashkie. Ajo duhet të zgjedhë, ose njërin, ose tjetrin funksion. Nëse do të vazhdojë të jetë kandidate dhe të zhvillojë aktivitete elektorale, atëherë duhet të japë menjëherë dorëheqjen nga funksioni i Prefektit.

Askush nuk ja ka borxh abuzimin me detyrën e Prefektit që e ushtron falë taksapaguesve shqiptarë në dobi të interesit personal si kandidate për kryetar bashkie.

Njëkohësisht, kemi informacion nga qytetarët dhe punonjësit e institucioneve se drejtorët e drejtorive të rrethit Gjirokastër po ushtrojnë presion ndaj administratës dhe po abuzojnë me fondet publike në interes të fushatës elektorale të Lëvizjes Socialiste për Integrim.

Njëherësh u bëjmë thirrje drejtuesve të policisë së shtetit të kenë sjellje korrekte me qytetarët për të zbatuar ligjin larg pasioneve politike si ne Gjirokastër, Libohovë, Dropull ashtu edhe në Lazarat ku situata prej kohësh është vërtet shumë delikate, vecanerisht me postoblloqet e nates.





Lajmet e fundit nga