web counter
LEXO PA REKLAMA!

SHKARKO APP

App Store
Google Play

Zgjedhjet lokale/ Mark Frroku regjistron nga qelia e burgut partinë e tij në KQZ

9 Prill 2015, 06:22, Politikë CNA

Komisioni Qendror i Zgjedhjeve pritet të regjistrojë sot tetë subjekte zgjedhore për zgjedhjet lokale të 21 qershorit. Mes listës së subjekteve politike është edhe Partia Kristian Demokrate (PKD) e Mark Frrokut, raporton ?Panorama?.

Ndërkohë, kreu i PKD-së vuan prej ditësh në qeli masën e dënimit ?Arrest me burg?, të kërkuar nga Prokuroria e Përgjithshme, pas dosjes së ardhur nga Belgjika në të cilën ai akuzohet për vrasje. Më herët, KQZ ka regjistruar edhe disa subjekte të tjera në zgjedhje, mes të cilave edhe Partinë Socialiste (PS).

Në të njëjtën kohë me zhvillimin e procedurave për regjistrimin e partive politike, KQZ u ka bërë thirrje subjekte që të përshpejtojnë me sjelljen e listave të kandidatëve dhe përfaqësuesve në KZAZ-të përkatëse, pasi ato ndodhen në limitet e kohës që parashikon Kodi Zgjedhor. Gjithashtu KQZ kërkoi nga Partitë politike që kryetarëve të Njësive të Qeverisjes Vendore që t?i sjellin menjëherë pranë organit më të lartë zgjedhor propozimet e tyre për ambientet ku do të vendosen zyrat e KZAZ-ve, pasi afati i miratuar është data 14 prill.

Lista e partive që pritet të regjistrohen sipas KQZ-së:

Komisioni Qendror i Zgjedhjeve, ditën e enjte, më datë 09.04.2015, ora: 12:00, zhvillon mbledhjen me këtë rend dite: Projekt-vendim: ?Për regjistrimin e disa Partive politike, si subjekte zgjedhore, në zgjedhjet për organet e qeverisjes vendore të datës 21.06.2015?, si me poshtë:

Partia Republikane e Shqipërisë
Partia e Çështjeve Shqiptare
Partia e Mendimit të Djathtë Liberal
Partia Socialdemokrate e Shqipërisë
Partia G 99
Partia Socialiste e Vërtetë 91
Partia Komuniste e Shqipërisë 8 Nëntori
Partia Kristian Demokrate





Lajmet e fundit nga