E fundit!

22:00 Aktualitet

VIDEO/ Ndryshim drastik i motit në Vlorë, stuhia përfshin qytetin bregdetar

Qyteti i Vlorës është përfshirë mbrëmjen e sotme nga një s...

Bienalja ndërkombëtare e artit “Stemperando” mbërrin në Tiranë

9 Prill 2015, 07:05, Kulturë CNA

Bienalja ndërkombëtare e veprave të artit në letër ?Stemperando? mbërrin në Tiranë në edicionin e gjashtë. Ekspozita që u çel mbrëmë në Muzeun Historik Kombëtar, është një nismë e kuratorit shqiptar, Alfred Milot Mirashi dhe Anselmo Villata, drejtor i Institutit Kombëtar të Artit Kontemporan në Itali, të cilët këtë vit kanë zgjedhur Shqipërinë dhe Muzeun Historik Kombëtar si vendin mikpritës për të pritur Bienalen dhe prezantuar veprat e 43 artistëve, nga ku 18 janë artistë shqiptarë.Të pranishëm në çeljen e kësaj ekspozite ishin personalitete të artit në Itali, artistë italianë dhe shqiptarë, ministrja e Kulturës, Mirela Kumbaro, drejtori i Muzeut Historik Kombëtar Melsi Labi, etj. Në këtë ekspozitë 18 artistët shqiptarë kontribuojnë me artin e tyre në njohjen e vlerave kombëtare shqiptare në arenën ndërkombëtare, shkruan e perditshmja “Sot”.

?Kam shansin të prezantoj këtë Bienale, ndoshta e para në letër, sepse ka shumë pak të tilla në botë, ku 18 janë artistë shqiptarë. Arti i këtyre mbi 20 viteve në Shqipëri është arti më demokratik, jo vetëm nga ana e lirisë artistike, por dhe me ide. Artistët shqiptarë nuk kopjojnë njëri-tjetrin, gjithsekush prezantohet me personalitetin e tij. Dhe kjo bën që të prezantohen në mënyrë dinjitoze me ata të huaj?, shprehet kuratori shqiptar, Alfred Milot Mirashi. Ndërsa kjo Bienale arti vjen në MHK, kuratori shqiptar edhe pse e vlerëson këtë ekspozitë në Tiranë, thekson se duhet menduar më shumë për artin pamor. ?Në Muzeun Kombëtar janë kushtet e duhura për Bienalen. Por ne duhet të shikojmë, sepse në Shqipëri nuk ka struktura si në Itali, e cila është shumë e organizuar, apo kur kam marrë pjesë në Bienalen në Kinë, që është gjithashtu më tepër e organizuar se Shqipëria. Kjo sepse këtu njerëzit nuk mendojnë më shumë për art, por me art jetohet. Një popull vlerat e mëdha duhet ti ketë në art?, shton mes të tjerave Alfred Milot Marashi, kurator i ekspozitës. Piktori i njohur Helidon Haliti në Bienale vjen me peizazhe që titullohen ?Shije nga Shqipëria?.