E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

“Arturo Ui” / Premiera premtuese në Metropol

8 Prill 2015, 20:44, Aktualitet CNA

?Arturo Ui? shfaqja me regji nga Armand Bora, është shfaqja më e fundit e Teatrit të Metropolit e cila pas proves gjenerale të ditës së nesërme (9 prill ora 20:00) do të vihet në skenën e sallës ?Shekspir? si premierë në 10 prill ora 20:00 për publikun kryeqytetas.

Pjesa që ka si autor Bertolt Breht, me regji të Armand Bora, skenën dhe kostumet e Laedia Hajdari, koreografi nga Arjan Sukniqi, në bashkëpunim me Enver Cakiqin dhe Oleg Arapin, do intepretohet në skenë nga kasta e aktorëve, Alfred Trebicka, Suela Konjari, Rozi Kostani, Violeta Trebicka, Kastriot Ramollari, Armela Demaj, Laura Nezha, Shyqyri Caushaj, Bruna Borova, Çlirim Denaj, Aleksandër Nikolli dhe Erin Kujofsa.

?Arturo Ui?, e cilësuar si ?vepra më jetëgjatë dhe më e suksesshme e Bertold Breht? vjen premierë këtë fundjavë në skenën e Qëndrës Kulturore ?Tirana? (Teatri i Metropolit). Risjellja e kësaj vepre në skenën e Teatrit Metropol për regjisorin Bora vjen me një përgjegjëshmëri të madhe artistike por edhe qytetare, pasi vepra i kujton qytetarit detyrën e tij, ndaj kombit.

?Kasti i aktorëve që interpretojnë ne këtë vepër duke nisur nga Arturo Ui, e duke vazhduar me bashkëpunëtorët e tij Xhivola, Gori e Roma, me anëtarët e Trustit të Lulelakrës dhe plakun e ndershëm Dogsburu, janë aktorë të cilët pjekuria e tyre artistike, i jep siguri dhe garanci çdo regjisori, që të besojë tek spektakli që realizon? shprehet regjisori Bora.

Sakaq kasti i aktorëve të ?Arturo Ui-së? kanë punuar gjatë me Mjeshtrin e Lëvizjes skenike dhe Arteve Marciale, Enver Cakiqi. Prezenca e karatesë nisi fillimisht si një aktivitet fizik për të sjellë trupin e aktorit në kondicione të mira shprehëse, por më vonë gjeti vend gradualisht si një element artistik duke u bërë pjesë e estetikës së shfaqjes.

?Një pjesë e madhe e mizanskenave dhe sjelleve të aktorëve janë të estetizuara mes lëvizjeve të Arteve Marciale, dhe kjo e bën veprën që të klasifikohet te estetika e Teatrit Biomekanik të Meyerhold, të Eugenio Barba?s dhe Tadashi Suzukit?, tha regjisori Bora.