web counter
LEXO PA REKLAMA!

SHKARKO APP

App Store
Google Play

Sugjerime për udhëtimin dhe larjen në det

2 Prill 2015, 16:00, Lifestyle CNA

Pushimet përbëjnë, si për prindërit, ashtu dhe për fëmijët, një moment të rëndësishëm për ta ndarë së bashku, kështu që është e nevojshme të bëjmë kujdes në disa zgjedhje. Pasi që ditët e nxehta po vijnë ja disa sugjerime për udhëtimin dhe larjen në det.

– Kur të niseni? Më mirë të evitoni nisjen në ditët dhe në oraret që ka shumë trafik dhe shumë lëvizje, kjo për të mos rrezikuar të zgjasni më shumë udhëtimin dhe për të mos u mërzitur nga radhët e gjata që krijohen në rrugë. Pyesni kur janë oraret e pikut dhe sakrifikoni pak gjumë, për të mos u stërmunduar në trafikun e mërzitshëm dhe të lodhshëm.

– Pushimi: Kur, pavarësisht se ju doni të vazhdoni rrugën dhe fëmijët tuaj fillojnë të grinden dhe të bëjnë zhurmë, është më mirë të pushoni për disa çaste. Qoftë në rrugë regjionale, po ashtu dhe në autostrada, ka vende ku ju mund të uleni për të pushuar. Fëmijët mund të luajnë me lodra të ndryshme, ndërsa ju, pra të rriturit, mund të pini diçka, për të rinisur udhëtimin me energji të reja.

– Siguria: Është mirë që fëmijët të kuptojnë, që kur janë të vegjël, që kur lëvizet me makinë, është e nevojshme të respektohen të gjitha normat e sigurisë të parashikuara nga Kodi Rrugor.

– Çka nuk duhet të harroni: Kutia e ndihmës së shpejtë dhe një krem i mirë dielli, me faktor të lartë mbrojtës, i cili duhet vendosur mbi fytyrë rregullisht.

– Në det: Lahuni në det, vetëm nëse jeni në formë perfekte. Dhe rregulli për të mos bërë plazh menjëherë pasi keni ngrënë, apo pas një ekspozimi të gjatë në diell, është i vlefshëm për të gjithë, si për prindërit, ashtu dhe për fëmijët.





11:00 Lifestyle

Sims bëhet bjonde

Kalimi i saj drastik nga brune në bjonde i ka surprizuar të ...

10:00 Lifestyle

Cooper, në New York

Ajo shkëlqeu mbrëmjen e kaluar në tapetin e kuq të Channel 4...

Lajmet e fundit nga