web counter
LEXO PA REKLAMA!

SHKARKO APP

App Store
Google Play

Gratë dhe dhuna

31 Mars 2015, 18:00, Lifestyle CNA

Në shumë shoqëri gratë edhe vajzat i nënshtrohen dhunës fizike, seksuale dhe psikologjike, të cilat si në jetën publike edhe në atë private ndërprejnë vijat e të ardhurave, klasës dhe kulturës. Gratë shpesh bëhen viktima të dhunimit, abuzimit seksual, ngacmimit seksual dhe kërcënimit.

Skllavëria seksuale, shtatëzanësia, postitucioni i detyruar, sterilizimi, abortimi i detyruar, zgjedhja e parakohshme e gjinisë dhe vrasja e foshnjeve vajza, janë gjithashtu vepra të dhunës së kryer ndaj grave.

Aktet e tilla të dhunës shkelin, pengojnë ose pamundësojnë gratë të gëzojnë që të drejtat dhe liritë e tyre fundamentale. Prandaj miratimi i Deklaratës për Eliminimin e Dhunës Ndaj Grave me koncensus në vitin 1993, nga Asambleja e Përgjithshme e OKB-së, si mjet për parandalimin e dhunës ndaj grave, është e një rëndësie të veçantë. Përveç kësaj, në vitin 1994 është emëruar Raportuesi Special për Dhunë ndaj Grave.

Dhuna ndaj grave përfshin, por nuk kufizohet vetëm në:

a). Dhunën fizike, seksuale dhe psikike që ndodhin në familje duke përfshirë rrahjen, abuzimin seksual të fëmijëve vajza në familje, dhunën e lidhur me pajën, dhunimin martesor, gjymtimin gjenital të femrave dhe praktikat tjera tradicionale që dëmtojnë gratë, si dhe dhunën jomartesore dhe dhunën e lidhur me shfrytëzim.

b). Dhunën fizike, seksuale dhe psikike që ndodh brenda komunitetit të gjerë duke përfshirë dhunimin, abuzimin seksual, ngacmimin dhe kërcënimin seksual në vend pune, institucione arsimore dhe gjetiu, si dhe trafikimin e grave dhe prostitucionin e detyruar;

c). Dhunën fizike, seksuale dhe psikike që kryhet nga shteti ose lejohet të ndodhë kudo.

Neni 2 i Deklaratës për Eliminimin e Dhunës Ndaj Grave

Përveç sistemit ekzistues ndërkombëtar, disa organizata regjionale i janë përkushtuar parandalimit ose çrrënjosjes së dhunës ndaj grave. Për shembull, sistemi Interamerikan i të drejtave të njeriut ofron mbrojtjen e grave përmes Konventës Interamerikane për Parandalimin, Dënimin dhe Çrrënjosjen e Dhunës Ndaj Grave të Belem do Paros (1995).





15:00 Lifestyle

Swift vishet me stil

Këngëtarja Taylor Swift së fundmi është fotografuar teksa sh...

11:00 Lifestyle

Childs feston

Një femre elegante si ajo i shkon cdo ngjyrë dhe kësaj rradh...

Lajmet e fundit nga