web counter
LEXO PA REKLAMA!

SHKARKO APP

App Store
Google Play

Ndeshja Shqipëri-Armeni, biletat shitet ilegalisht

26 Mars 2015, 09:36, Aktualitet CNA

Tifozët janë ndeshur me vështirësi për gjetjen e biletave për ndeshjen që do të luhet ditën e djelë midis Shqipërisë dhe Armenisë. Problem është bërë shtija e biletave në mënyrë ilegale. Në sportelet e Federatës Shqiptare të Futbollit si në Tiranë ashtu dhe në Elbasan shitja e biletave është bërë në mënyrë ilegale dhe të gjitha biletat e nxjerra në treg në këtë formë janë marrë nga sekserët që i shesin ato 4 ose 5-fish me shtrenjtë. Pranë këtyre pikave që janë përcaktuar nga Federata si sportele për shitjen e biletave për ndeshjen zyrtare Shqipëri-Armeni qëndrojnë njerëz të paautorizuar me tufa biletash në duar që pasi i kanë marrë nga punonjësit e Federatës i shesin disa herë me shtrenjtë. Vetë ata pohojnë se këto bileta i kanë blerë nga punonjësit e Federatës me një çmim më të lartë se ai zyrtar.
Kështu një biletë me vlerë 10 mijë lekë të vjetra për një vend në tribunën G prapa porte sekserët e kanë blerë më një çmim 15 mijë lekë të vjetra dhe e shesin për 40 mijë lekë. Ndërsa biletat e tjera për tribunën përballë asaj VIP në tregun e zi kushtojnë nga 120 mijë lekë të vjetra deri në 200 mijë. Ky është realiteti i ?krenarisë? Kuq e Zi që shpaloset me himne dhe daulle në faqen e Federatës, që e trajton ekipin kombëtar si ?llotarinë? e vet, duke vërtetuar edhe njëherë se të grabisësh njerëzit nuk mund ta bësh vetëm me armë dhe maska por edhe me këngë dhe ngjyra.





Lajmet e fundit nga