web counter
LEXO PA REKLAMA!

SHKARKO APP

App Store
Google Play

Mogherini viziton Prishtinën, një ditë më pas Beogradin

26 Mars 2015, 10:00, Kosova & Bota CNA

Shefja e politikës së jashtme të Bashkimit Evropian, Federica Mogherini, viziton të enjten Prishtinën dhe të premten në Beograd, në vizitën e saj të parë që kur mori detyrën vjeshtën e vitit të kaluar.
Para se të shkojë në rajon, ajo tha se ?edhe Serbia, edhe Kosova, pas zgjedhjeve të vitit të kaluar, përballen me sfida të rëndësishme, veçanërisht kur bëhet fjalë për reforma ekonomike, sociale dhe politike, që u përgjigjen pritjeve të qytetarëve të tyre dhe gjithashtu janë edhe në kontekstin e hapave të mëtejmë drejt normalizimit më gjithëpërfshirës të marrëdhënieve ndërmjet tyre?.
Ajo ka theksuar se me Prishtinën dhe Beogradin do të bisedojë për hapat e mëtejmë të të dyja vendeve në rrugën evropiane dhe ?zbatimin e marrëveshjeve të arritura në bisedimet e ndërmjetësuara nga Bashkimi Evropian për normalizimin e marrëdhënieve?.

Zyrtarët evropian kanë përsëritur qëndrimin se zbatimi i marrëveshjeve kusht kryesor për Serbinë që të avancojë në procesin e negociatave për anëtarësim në Bashkimin Evropian.

Ende nuk dihet se kur do të vazhdojë procesi i bisedimeve meqë palët nuk janë pajtuar ende për temat që do të diskutohen. Derisa Beogradi kërkon të hapet çështja e bashkësisë së komunave serbe dhe ajo e pronave në Kosovë, kryeministri i Kosovës Isa Mustafa ka deklaruar se nuk do të shkohet më tej para se të shpërbehen të gjitha strukturat paralele të mbështetura nga Beogradi që veprojnë në veriun e Kosovës.





Lajmet e fundit nga