web counter
LEXO PA REKLAMA!

SHKARKO APP

App Store
Google Play

Shqipëria nënshkruan Konventën e KiE kundër trafikut të organeve

25 Mars 2015, 16:02, Aktualitet CNA

Shqipëria ka nënshkruar Konventën e Këshillit të Evropës kundër trafikimit të organeve njerëzore. Nga Santiago të Spanjës është firmosur kjo Konventë e para e këtij lloji dhe që nënkupton bashkëpunimin ndërkombëtar kundër trafikimit të organeve njerëzore dhe fuqizimin e aspektit ligjor.

Konventa u nënshkrua nga 14 vende, ku 11 vende janë anëtare të Bashkimit Evropian dhe 3 nga vendet jo anëtare, në prani të Sekretarit të Përgjithshëm të Këshillit të Europës Thorbjon Jagland. Zëvendësministrja e Punëve të Brendshme Elona Gjebrea , firmosi për palën shqiptare.

Konventa e Këshillit të Evropës kundër Trafikimit të Organeve Njerëzore është konceptuar si një akt i përbashkët ndërkombëtar në luftën kundër Trafikimit të Organeve Njerëzore, në respektim të të Drejtave Themelore të Njeriut, si dhe në mbrojtje të të drejtave të viktimave.

Në qendër të Konventës është mbrojtja e të drejtave të viktimave ardhur nga kryerja e veprës penale të trafikimit të organeve njerëzore, e cila do të arrihet nëpërmjet një bashkëpunimi ndërkombëtar.

Bazuar në këtë Konventë, palët nënshkruese do të marrin masa të nevojshme legjislative për të vendosur si vepër penale sipas ligjeve të brendshme, rastet e kryerjes me qëllim të heqjes dhe përdorimit të organeve njerëzore, nga të gjallët apo dhuruesit e vdekur.





Lajmet e fundit nga