web counter
LEXO PA REKLAMA!

SHKARKO APP

E fundit!

x

Samiti i Berlinit, Cipras e Merkel në tryezë me paralajmërime

23 Mars 2015, 08:19, Aktualitet CNA

Kryeministri grek, Aleksis Cipras takon kancelaren gjermane, Angela Merkel mes shqetësimit në rritje se Athinës po i mbarojnë paratë. Dy vendet kanë qenë në kundërshti në lidhje me përpjekjet e Greqisë për të rinegociuar kushtet e paketës së shpëtimit financiar.
Financial Times raportoi se Cipras ka paralajmëruar Merkel se Greqia nuk mund të paguajë borxhet urgjente nëse nuk merr ndihmë të re financiare. Ministri spanjoll i Ekonomisë, Luis de Guindos, mbështeti pozicionin e Gjermanisë, duke thënë se Greqia duhet të zbatojë reformat e premtuara ekonomike.
?Nuk do të ketë lëvrim të kësteve përpara se të ketë një testim real që reformat janë miratuar të gjitha dhe po zbatohen?, tha ai.
Sipas FT, pozicioni i vështirë financiar i Greqisë është nënvizuar që në një letër që Cipras i ka adresuar kancelares Merkel më 15 Mars.
Ai shkruan aty se Greqia përballet me nevojë urgjente për para kesh dhe mund të jetë e detyruar të vendosë të paguajë rrogat dhe pensionet ose të paguajë detyrimet e borxhit.
Cipras deklarohet i qartë se cilën nga këto mundësi do të zgjedhë, duke shkruar se kjo krizë i shtohet asaj sociale në Greqi dhe është një perspektivë që ai nuk mund ta vijojë.





Lajmet e fundit nga