web counter
LEXO PA REKLAMA!

SHKARKO APP

App Store
Google Play

Universitetet e skllavëruara

17 Mars 2015, 14:02, Aktualitet CNA

Nga Artan Fuga

(Ashtu sikurse janë dhe siç i koncepton projektligji)

Projekt-ligji që ka dalë nën logon e ministrisë së arsimit për arsimin e lartë, por përgatitur nga të tjerë faktorë :

kufizon arbitrarisht mekanizmat ekonomike per zhvillimin e universiteteve publike që shfaqen gati si agjenci ekonomike feudale,
nuk parashikon aksionariatin, investimet e huaja, investimet e plota dhe të gjithanshme, marrjen e kredive nga sistemi bankar i brendshëm dhe i jashtëm, etj.,
si edhe kufizon të ardhurat dytësore të pedagogëve nga projektet në shifra arbitrare.

Ka të drejtë të japë lokalet e vet dhe trojet nën administrimin e tij me qira universiteti publik?

Asgjë nuk thuhet. Pra nuk lejohet!

Ka të drejtë universiteti publik të hapë bursën e aksioneve për pasuritë e tij deri në masën së paku 50 %?

Asgjë nuk thuhet. Pra, nuk lejohet!

Ka të drejtë universiteti publik të hapet në kapitale deri në 50 % ndaj kapitaleve të huaja?

Asgjë nuk thuhet. Pra, nuk lejohet!

Ka të drejtë universiteti publik që të ndërtojë një piramidë të vetën pagash?

Asgjë nuk thuhet. Pra, nuk lejohet!

Në fakt edhe tani pedagogët e universiteteve janë në një masë të konsiderueshme të kohës të tyre të punës në gjendje skllavërie.

Cdo punë e papaguar është skllavëri!

Domethënë ata nuk paguhen për punën e bërë.

Korrigjime provimesh ? Pa lekë.
Drejtime diplomash masteri ose bachelori? Pa lekë.
Kumtesa dhe referate në konferenca shkencore? Pa lekë.
Kohë pune për të shkruar tekste? Pa lekë.
Subvencionime për vajtje në konferenca shkencore ?E pamundur.

Ka të drejtë universiteti publik të japë shpërblime për pedagogë të dalluar në punën e tyre cilësore?

Asgjë nuk thuhet. Pra, nuk lejohet!

Ka të drejtë universiteti publik të paguajë konferenca shkencore jashtë vendit dhe kërkime shkencore ?

Asgjë nuk thuhet. Pra, nuk lejohet!

Aktualisht as lekë për një kumtesë nuk jep.

Ka të drejtë universiteti publik të marrë hua në banka brenda dhe jashtë vendit?

Asgjë nuk thuhet. Pra, nuk lejohet!

Ka të drejtë universiteti publik të hapë aktivitete ekonomike jashtë arsimore, për të nxjerrë fonde për rritjen e cilësisë të tij?

Asgjë nuk thuhet. Pra, nuk lejohet!

Ka të drejtë universiteti publik t?ia adaptojë brenda semestrit programe të veta mësimore me qëllim që të adaptohet në tregun e punës?

Duhet të presi kur t?iu teket agjencive burokratike t’a aprovojnë.

Ja pse e kanë kthyer universitetin publik si një punishte mesjetare jashtë logjikës të tregut, ndërkohë që universiteteve private u lejohet gjithcka.

Kemi një goditje të qëllimshme të publikes kundër privates.

Ligja favorizon iniciativat private në arsimin e lartë duke krijuar privilegje dhe shkatërruar konkurrencën në treg.

Pse nuk u ndalon universiteteve private që me lekët e studentëve të krijojnë media gjeneraliste, politike dhe të politizuara, pa asnjë lidhje me qëllimin final të investimit financiar të studentëve? Duhet prerë kjo lidhje korruptive mes mediave dhe industrisë të dhënies të diplomave universitare ! Duhet bllokuar kjo shprishje për qëllime të tjera e parasë studentore. Duhet ndalur ky mekanizëm presioni mbi pushtetin publik nga ana e operatorëve privatë.

Pse nuk u ndalon operatorëve privatë në sektorin e arsimit të lartë të investojnë në fusha të tjera që nuk kanë lidhje fare me edukimin dhe arsimimin? Pse transferohen të ardhurat në sektorë të tjerë?

Pse nuk kërkon transparencën financiare të buxheteve dhe strategjinë e shpenzimeve asamblesë të studentëve ose të prindërve apo familjarëve që financojnë për arsimimim?

Pse nuk konsiderohen sipërmarrjet private në arsim si sipërmarrje aksionare ku studentët që paguajnë të jenë si aksionerë në menaxhimin financiar të shkollës?

Përse nuk zbatohet modeli i vërtetë anglosakson për universitetet private?

Kush ja fsheh të vërtetën rinisë studentore dhe opinionit publik ?

Debati për këto tema nuk hapet nga funksionarët shtetrorë që u është besuar menaxhimi i arsimit sepse presioni mbi komisionin dhe dikasterin nga lobingjet private është sundues.





13:15 Aktualitet

Topless në kuzhinë

Nuk kemi parë asnjëherë kuzhiniere apo kuzhinerë, që të gatu...

Lajmet e fundit nga