web counter
LEXO PA REKLAMA!

SHKARKO APP

App Store
Google Play

Unifikimi Shqipëri - Kosovë???

12 Mars 2015, 13:11, Aktualitet CNA

Nga Artan Fuga

Shkëmbime dhe jo çentralizim burokratik sipas modeleve të vjetruara!

Ka politikanë nga të dy anët e kufirit që me deklaratat e tyre ngatërrojnë politikisht unifikimin e hapësirave Shqipëri – Kosovë me çentralizimin e këtyre politikave që u ka kaluar koha.

Unifikimi nuk është çentralizim.

Pritet osmoza në diferenca – bashkëkohore midis dy hapësirave tona, këta politikanë flasin për çentralizime burokratike.

Nuk ka përse centralizohen dialektet, tekstet, kurrikulat universitare dhe parauniversitare, mediat, tregu.

Unifikim nëpërmjet shkëmbimeve dhe hapjes, jo nëpërmjet centralizimit dhe mbylljes në guacka nacionaliste.

Diplomat e Kosovës do të ishte mirë të njiheshin në Shqipëri pasi të njiheshin në Europë, dhe diplomat e Shqipërisë të njiheshin në Kosovë pasi të njiheshin në Europë.

Puna është jo të njohim diplomat e njeri tjetrit, kjo bëhet me një të rënë të lapsit si show para mediave, puna është të formojmë një brez të diplomuarish që t’i duhen tregut dhe të përthithen prej tij, kundër lobingjeve universitare private të mbrapshta që duan sa më shumë rregjistrime, sa më shumë të diplomuar, pa pyetur se cili është fati i të diplomuarve dhe pa mbajtur përgjegjësi për ta.

Përndryshe ne unifikojmë injorancën dhe padijen tonë.

Kjo është gjëja më e kollajtë në botë.

Hajde i njohim njeri tjetrit padijen e diplomuar dhe me këtë bëjmë që papunësinë e të diplomuarve në Kosovë e dyfishojmë me të diplomuarit pa punë nga Shqipëria dhe papunësinë e të diplomuarve në Shqipëri e dyfishojmë me të papunët e diplomuar në Kosovë.

Dhe pastaj të palët ikim nga sytë këmbët në emigracion…duke fshirë rrugët me fshesë dhe me diploma…





Lajmet e fundit nga