LEXO PA REKLAMA!

SHKARKO APP

Meksikë/Vdes turistja kanadeze nga përplasja me balenën

12 Mars 2015, 14:08, Kosova & Bota CNA

Një turiste kanadeze ka humbur jetën pasi një balenë gri u përplas me anijen turistike në brigjet e Paqësorit në Meksikë.
Gruaja ishte duke kryer zhytje për të parë fundin e oqeanit, kur ndodhi përplasja në Cabo San Lucas.

Rrethanat mbeten ende të paqarta. Ekipet e shpëtimit thanë se balena kërceu dhe ra sipër anijes, duke e hedhur viktimën në ujë. Por, kompania turistike tha se gruaja ishte plagosur kur kapiteni u detyrua të kthente në mënyrë të papritur anijen për të shmangur balenën që kishte dalë sipër ujit. Gruaja kishte ndërruar jetë më pas në spital, ndërsa në incident kishin mbetur edhe dy persona të plagosur.

Aksidentet detare me balena janë të rralla, por autoritetet thanë se në javët e fundit mbi 2500 balena gri janë shfaqur në brigjet e Meksikës, numri më i lartë i tyre në dekadat e fundit.

Lajmet e fundit nga