Martin Vulaj një Fazllic i dytë për Tiranën zyrtare

12 Mars 2015, 09:03, Aktualitet CNA

Një ish avokat aspak i njohur nga opinioni publik në Shqipëri, por një pseudo mik i ngushtë i qarqeve politike. Kush është ish avokati Martin Vulaj, një persona i akuzuar fort nga shqiptarët e Amerikës për shumë e shumë afera, një njeri që shpall veten si mëmëdhetar, por në fakt nuk është asgjë tjetër vecse përcarësi i komunitetit shqiptar në SHBA.

Në materialin e parë të publikuar për këtë personazh rradhitëm miqësitë e tij me ish-kryeministrin Nano, më pas tradhëtinë dhe dashurinë për Edi Ramën. Tani një pseudoshqiptar që kërkon të rrëmbejë c?të mundet nga qeveria dhe pse??? Këtu ka një fakt vërtet interesant.

Martin Vulaj vjen në Tiranë dhe bredh zyrave të ministrave, shkon dhe tek miku i tij Erjon Veliaj, të cilin e ka pritur dhe përcjellë kur ka qenë në SHBA. Ministri Veliaj në fakt ka qenë i sponsorizuar për një darkë apo hotel falas në SHBA, ndërsa tani avokati pa license, duket se i kërkon shpërblimin ministrit por edhe kryeministrit.

Vulaj është shfaqur në aeroportin e Rinasit tek zona VIP, këto ditë dhe duket se nuk po ndalet së bashku me disa sekserë të tij apo gjoja biznesmenë për të marë një copë tortë nga ajo e bizneseve me qeverinë. Qeveria shqiptare mund të ftojë dhe t?i krijojë lehtësi cdo biznesmeni në Shqipëri, por Martin Vulaj nuk do jetë gjë tjetër, vecse një Fazllic i dytë. Një biznesmen që dje qëndronte pranë qeverisë Berisha, sot po na lind një tjetër individ aferash dhe korrupsioni pranë qeverisë Rama.

Korrupsioni dhe mashtrimi në rastin e Martin Vulaj ka fakte dhe emra konkretë. Një qytetari shqiptar të ikur në SHBA në prag vitet 90 Vulaj i premtoi se do e ndihmonte për azilin politik. Personi ishte arratisur nga Shqipëria dhe shpresonte tokën e premtuar, SHBA-në. Por duket se nga një azilant politik ai u kthye në një viktimë e avokat Vulaj, i cili për 6 vite rresht vetëm i merrte para. Lloj lloj mashtrimesh dhe skandalesh. Jo pak por gati 6 vjet për ti bërë një aplikim. Më tej , pas interesimit dhe disa investigimeve doli se Vulaj gjithcka e kishte bërë me qëllim ndaj personit të arratisur, thjesht për ta rrjepur sa të mundej.

Raste të tilla për një personazh si Vulaj ka pafund, dhe te tilla mashtrime, skandale bënë që ti hiqej licensa e avokatit, por Vulaj nuk ndalet. Në ShBA, komuniteti shqiptar e njeh mjaft mirë edhe për antishqiptarizmin e tij, dhe tani ai shfaqet ne Tiranë si një i përveluar, kur në fakt është thjesht mashtruesi i rradhes. Për pjesën e antishqiptarizmit dhe komentet e lexuesve do të tjellim një tjetër material në vijim.