E fundit!

10:15 Kronika

E rëndë në Kukës/ Efektivi vetëvritet me armë në varrezat e fshatit

Një ngjarje e rëndë ka ndodhur në Morinë të Kukësit. Në v...

Ristani: Rama dhe Meta në panik nga protesta madhështore

11 Mars 2015, 12:47, Aktualitet CNA

Sekretari i Përgjithshëm i Partisë Demokratike Arben Ristani, ka reaguar pas deklaratës së Policisë së Shtetit se në protesën e nesërme të organizuar nga opozita do të ketë forca të shumta policore dhe se cdo qytetarë duhet të ketë me vete kartë identiteti.

?Shumica e kapur nga paniku për protestën e nesërme. Meta akuzohet për vrasje ndersa Rama është bashkëpuntor i tij. Qindra qytetarë kundër krimit dhe arrogancës së qeverisë?u shpreh Ristani.

Më tej Sekretari i Përgjithshëm i PD theksoi se krimi dhe kriminelët janë tek maxhoranca, jo tek populli.

Deklarata e plote:

I ka zënë paniku sepse kanë shtypur dhe terrorizuar njerëzit çdo ditë prej dy vitesh, dhe tani është radha e popullit sovran që të marrë fatet në dorë. Partia Demokratike i bën thirrje policisë së shtetit të përmbahet brenda kufinjve të ligjit, e mos të reagojë prej panikut e dëshpërimit të dyshes Rama-Meta. Krimi dhe kriminelët janë në gjirin e qeverisjes dhe mazhorancës, jo tek populli. Asgjë nuk do ta ndalë marshimin e nesërm. Ne i bëjmë thirrje të gjithë qytetarëve pa dallim, që të vijnë e t?i japin zë kërkesave të tyre e të bashkohen me kauzën e drejtë dhe të madhe të shqiptarëve.

Mazhoranca është kapur nga paniku i protestës së nesërme popullore, sepse të dhënat tregojnë se pjesmarrja e shqiptarëve në këtë protestë do të jetë madhështore.

Qindra mijë qytetarë do të bashkohen nesër në Tiranë në orën 11 në Sheshin Skenderbej, për të ngritur zërin e tyre;

kundër krimit në qeverisje,

kundër pasigurisë,

kundër varfërisë,

kundër mjerimit

kundër arrogancës së dyshes Rama-Meta.

I ka zënë paniku Edi Ramën, Ilir Metën dhe lolot e tyre, sepse, janë ata shkaktarët e depresionit të madh ekonomik të vendit dhe inkriminimit masiv në çdo qelizë të shtetit, deri në kupolën më të lartë të tij.

I ka zënë paniku, se në sytë e gjithë shqiptarëve, Ilir Meta është sot i akuzuar për porositjen e dy vrasjeve, ndërsa Edi Rama është i akuzuar si bashkëpunëtor.

I ka zënë paniku, sepse Edi Rama dhe Ilir Meta, e kanë tradhëtuar popullin, kanë sjellë varfëri, papunësi e skamje, korrupsion, e zhvatje të qytetarëve.

I ka zënë paniku sepse kanë shtypur dhe terrorizuar njerëzit çdo ditë prej dy vitesh, dhe tani është radha e popullit sovran që të marrë fatet në dorë.

Partia Demokratike i bën thirrje policisë së shtetit të përmbahet brenda kufinjve të ligjit, e mos të reagojë prej panikut e dëshpërimit të dyshes Rama-Meta.

Krimi dhe kriminelët janë në gjirin e qeverisjes dhe mazhorancës, jo tek populli.

Asgjë nuk do ta ndalë marshimin e nesërm.

Ne i bëjmë thirrje të gjithë qytetarëve pa dallim, që të vijnë e t?i japin zë kërkesave të tyre e të bashkohen me kauzën e drejtë dhe të madhe të shqiptarëve.

Partia Demokratike do të jetë në ballë të kësaj proteste madhështore për të sotmen e të ardhmen e vendit dhe demokracisë.