E fundit!

22:00 Aktualitet

VIDEO/ Ndryshim drastik i motit në Vlorë, stuhia përfshin qytetin bregdetar

Qyteti i Vlorës është përfshirë mbrëmjen e sotme nga një s...

Kosovë/ Miratohen amendamentet, i hapet rruga krijimit të Gjykatës Speciale

7 Mars 2015, 16:14, Kosova & Bota CNA

Qeveria e Kosovës ka marrë vendim që t?i procedojë Kuvendit dy amendamentet kushtetuese, të cilat kanë të bëjnë me themelimin e Gjykatës Speciale për krimet e luftës. Kreu i Qeverisë së Kosovës, Isa Mustafa, e ka cilësuar këtë si një vendim të vështirë, por, siç ka thënë ai, Gjykata Speciale ka të bëjë me individët dhe jo me luftën e Ushtrisë Çlirimtare të Kosovës. Gjykata Speciale, sipas Mustafës, duhet të themelohet për të përmbushur edhe një obligim ndërkombëtar që ka marrë përsipër Kosova.

?Është një vendim, i cili është peshuar gjatë me të gjitha pasojat. Është një vendim, i cili është vlerësuar se i shërben Kosovës, u shërben integrimeve tona euroatlantike, i shërben edhe luftës së UÇK-së, sepse ka qenë një luftë e pastër, një luftë, në të cilën është mbrojtur pragu i shtëpisë, janë mbrojtur familjet”.

“Dyshimet mbi individët assesi nuk guxojnë të trajtohen në këtë proces si dyshime mbi UÇK-në dhe si gjykatë, e cila është e orientuar kah UÇK-ja”, ka deklaruar Mustafa.

Vendimin e Qeverisë për inicimin e ndryshimeve Kushtetuese për Gjykatën Speciale e ka mbështetur edhe presidentja e Kosovës, Atifete jahjaga. Nëpërmjet një deklarate me shkrim, presidentja Jahjaga ka theksuar se themelimi i Gjykatës reflekton angazhimin e Kosovës për një proces të pavarur dhe të paanshëm për t?u marrë me akuzat e raportit të Këshillit të Evropës në mënyrë kredibile.

Themelimi i këtij “mini” Tribunali Ndërkombëtar për Kosovën, ka rrjedhë në bazë të hetimeve të iniciuara nga Këshilli i Evropës, që si bazë kishin dyshimet e supozuara të zviceranit Dick Marty, mbi trafikimin e organeve të serbëve nga pjesëtarët e ish-Ushtrisë Çlirimtare të Kosovës.

Në bazë të këtyre supozimeve, prokurori amerikan Clint Williamson, ka zhvilluar edhe një hetim të gjerë. Po në lidhje me themelimin e kësaj gjykate, një ekip nga Kosova, i kryesuar nga ministri i Drejtësisë, Hajredin Kuçi, ka zhvilluar negociata me Brukselin rreth infrastrukturës ligjore e kushtetuese.