web counter
LEXO PA REKLAMA!

SHKARKO APP

App Store
Google Play

Pekin/Mblidhet Asambleja Popullore për ekonominë

5 Mars 2015, 10:34, Kosova & Bota CNA

Kryeministri kinez, Li Keqiang u zotua për një objektiv më të lartë të rritjes ekonomike dhe kontrolle më të ashpra ndaj ndotjes së mjedisit, ndërsa hapi sesionin e përvitshëm të parlamentit. Duke iu adresuar Kongresit të Asamblesë Popullore, Li tha se Kina ka objektiv një rritje 7 për qind në vitin 2015. Duke e përshkruar ndotjen si një plagë të cilësisë së jetës, ai tha se ligjet mjedisore do të përforcohen në mënyrë strikte.
Rreth 3 mijë ligjvënës nga e gjithë Kina mblidhen për sesionin e përvitshëm në Pekin në Hollin e Madh të Popullit.
Regjimi e përshkruan Asamblenë Popullore si organin supreme të pushtetit shtetëror, me detyrën për të vepruar dhe rregulluar ligjet. Praktikisht, asambleja konsiderohet si një shtojcë e partisë Komuniste.
Çdo vit, fjalimi i kryeministrit raporton për një spektër të gjerë çështjesh dhe ky fjalim supozohet të funksionojë si një përmbledhje e triumfeve të qeverisë dhe dështimeve të së kaluarës, ndërsa sinjalizon për prioritetet e Pekinit në të ardhmen.
Këtë vit, fjalimi u fokusua në dy pika të rëndësishme, ekonominë dhe mjedisin. 30 faqe nga 38 të fjalimit të Keqiang iu kushtuan ngadalësimit ekonomik. Ai përdori frazën normalizim i ri për të siguruar audiencën se parashikimi për një prodhim të brendshëm prej 7 për qind në rritje ishte natyral dhe do të qëndronte si objektiv për disa vjet.
Ndërsa pjesa për mjedisin dëshmoi disa nga frazat më të ndjera të fjalimit, pasi ndotja sipas tij, është shqetësim që rëndon në zemrat e të gjithëve. Ai dha një listë të gjatë me premtime që nga mbrojtja e pyjeve deri tek promovimi i makinave elektrike.
Për të dyja problemet, Li u përpoq të fliste me të njëjtin tonalitet, atë që Qeveria është në dijeni të frustrimit të popullit kinez, dhe se do të dijë t?i vendosë nën kontroll.





Lajmet e fundit nga