web counter
LEXO PA REKLAMA!

SHKARKO APP

App Store
Google Play

PS, Balla: Opozita kundërshton çdo veprim të qeverisë, pa ditur se për çfarë bëhet fjalë

18 Shkurt 2015, 18:21, Politikë CNA

Deputeti i Partisë Socialiste, Tulant Balla, doli në një deklaratë për shtyp nga selia e PS-së duke akuzuar opozitën se nuk po e mbështet qeverinë në aksionet kundër krimit. Ai tha se opozita përveçse opozita nuk e dënon krimin, po e fuqizon atë duke hedhur baltë mbi Ministrin Tahiri dhe punën e tij.

?Na vjen keq për nivelin ku gjendet opozita në Shqipërinë tonë. Duam tu kujtojmë drejtuesve të PD-së, se vendi ka nevojë për një opozitë që të inkurajojë forcat e Policisë së Shtetit në luftën kundër krimit dhe të solidarizohet me të sa herë krimi godet. Sepse krimi nuk ka ngjyrim politik. 2014-ta ishte viti kur u rikthye besimi tek shteti. Fushata kundër kultivimit të lëndëve narkotike u shtri në të gjithë vendin, duke shkulur rrënjët e lëndëve narkotike. Vetëm vitin e kaluar u shkatërruan të ardhura kriminale që llogariten në 7 mld euro. Kjo ka renditur vendin tonë në vendet e përkushtuara kundër trafikut. Pyetja që shtrohet është pse PD- del gjithmonë e para dhe bën akuza kundër Policisë së Shtetit në mbrojtje të kriminelëve?, deklaroi Balla.

Më tej Balla u ndal tek një njeri, i cili është përfolur shumë me lidhjet e tij me qeverine. Balla tha se Lulzim Basha duhet të japë shpjegime për lidhjet e tij me Emiljano Shullazin. Sipas Ballës, Shullazi ka ndihmuar në zgjedhjet e 2011, pikërisht Bashën dhe PD-në

?Në PD Saliu ja ka mbushur mendjen Lulit se mund të vijë në pushtet. Deri në qershor mban kandili politik i Lulzim Bashës në krye të Shqupit. Dua ti bëj një pyetje Lulzim Bashës. Emiljano Shullazi, në emër të Lulzim Bashës në vitin 2011 prishte takimet elektorale të PS-së. Çfarë marrëveshje kishe me Emiljano Shullazin? Pa i dhënë përgjigje kësaj pyetje s?ke asnjë lloj të drejte të baltosësh Policinë e Shtetit?, ka përfunduar deputeti i PS-së, Balla.





Lajmet e fundit nga