Ditmir Bushati: Visar Zhiti do shkojë në Vatikan

16 Shkurt 2015, 22:14, Aktualitet CNA

Visar Zhiti do të jetë i ngarkuari me Punë i Republikës së Shqiperisë pranë Selisë së Shenjtë. Këtë ka lënë të kuptojë, ministri i Jashtëm, Ditmir Bushati, gjatë një interviste në Tonight Ilva Tare. Njoftimi zyrtar, i angazhimit diplomatik të shkrimarit, duket se është çështje ditësh.

Bushati: Për sa i përket çështjes së Visar Zhitit, ne si qeveri nuk e kemi luksin për të abuzuar dhe për të marrë vendime abuziviste me personlitete të tilla dhe besojmë se në ditët në vijim do të kemi një komunikim për këtë çështje

Ilva Tare: Që do të thotë se z. Zhiti do të mbajë një detyrë si i ngarkuari me punë i Shqipërisë në Vatikan?

Absolutisht që Z.Zhiti do të mbajë një detyrë por kjo është një çështje që do t?ua bëjmë me dije opinionit publik në kohën e duhur.

Ka sqaruar edhe konfliktin me Presidentin e Republikës, sa i përket emërimit të ambasadorëve, e për ketë i referohet kushtetutës.

Bushati: Politika e burimeve njerëzore është politika eksluzive e ekzekutivit. Në rast se do të lexojmë nenin 100 dhe 102 të Republikës së Shqipërisë kuptohet se është Këshilli i Ministrave insitucioni që harton dhe zbaton në tërësinë e vet drejtimet kryesore të politikës së jashtme. Presidenti është vendosur, si të themi, në një digë finale, për të mos lënë sistemin të rrëzohet dhe jo për ta përdorur të drejtën të emëruar përfaqësuesin fuqiplotë të Republikës së Shqipërisë

Pranon se në emërimin e personelit diplomatik ka dhe presione por deklaron se ligji i ri mbi shërbimin e jashtëm do të rrisë jo vetëm nivelin e përfaqësimit por dhe do të shënojë fundin e konflikteve mes institucioneve.

Bushati: Politika, media dhe biznesi. Këto tre kategori kanë qenë pas këtij shërbimi

Ilva Tare: Media në c?kuptim?

Presione që bën media për vëllain, motrën gruan, të afërmin etj etj.

Bushati: Nëse shohim ligjin është i detajuar. Përcakton kohën e detajuar të qëndrimit në detyrë në nivel të ambasadorëve. Përcakton përgjegjësitë disiplinore. Përcakton rastet kur mund të lirohen ata para kohe. Në të, të gjitha institucionet që janë të përfshira në këtë proces, deryra dhe roli është i i qartë.

Ilva Tare: A do të ketë testime të diplomatëve?

Bushati: Normalisht po. Në procesin e hyrjes në shërbimin diplomatik dhe të procesit të marrjes së gradës këshilltar

Kryeministrin e greqisë, Aleksis Ciprasin, e ka ftuar në Tiranë , dhe nuk pret ndryshime drastike në marrëdhënive ndërmjet dy shteteve, dhe pse mes paleve ka ende cështje të pazgjidhura. Marrveshja e ujërave është njëra prej tyre ndaj dhe Ministri j Jashtëm kërkon që palët të ulen në bisedime

Bushati: Nuk besoj se do të ketë ndryshime drastike përsa i përket mardhënieve shqiptaro-greke. Cështjet e zgjidhura janë aty. Janë cështjet e vjetra të cilat presin zgjidhje.

Ilva Tare: Pakti detar, a është një histori e hapur

Bushati: Absolutisht që është një cështje e hapur

Ilva Tare: Shpresoj të jetë e tillë sepse zyrtarë të lartë që janë përmendur në këtë dosje nuk janë prekur nga kjo çështje. Shpresoj që ju t?i keni çuar në prokurori. Kjo ka mbetur një përgjegjësi e ekspertëve?

Bushati: E para nuk ka përgjegjësi ekspertësh por ka përgjegjësi politike. Qëndrimi ynë është i qartë që të dyja palët duhet të riulemi në tryezë për të ribërë një përcaktim të zonës ekskluzive ekonomike , në gjykimin tonë, më të drejtë, më të ndershëm dhe më në respekt të parimeve të së drejtës ndërkombëtare

Nuk e konsideron çështje të lehtë dhe se përgjegjës për marrëveshjen e nënshkruar, për kryediplomatin është vetëm një njeri.

Bushati: Nuk ka zyrtarë por ka vetëm një që e ka firmosur, që të jemi të qartë edhe me opinionin publik dhe ky është Lulzim Basha.