web counter
LEXO PA REKLAMA!

SHKARKO APP

App Store
Google Play

FMN ul parashikimin për rritjen ekonomike globale

20 Janar 2015, 08:36, Aktualitet CNA

Fondi Monetar Ndërkombëtar uli parashikimin për rritjen ekonomike globale për këtë vit dhe tjetrin. FMN pret që rritja të jetë 3.5 për qind këtë vit, krahasuar me pritshmërinë e mëparshme prej 3.8 për qind, e publikuar në tetor. Edhe parashikimi për rritjen ekonomike të 2016 është reduktuar në 3.7 për qind.
Kjo lëvizjen vjen pavarësisht se ekonomia botërore aktualisht ka në favor një factor tepër të rëndësishëm, uljen e shpejtë të çmimit të naftës, pozitiv për pjesën më të madhe të vendeve.
Sipas FMN-së ky factor ka gjasa të lihet në hije nga disa aspekte të tjera negative që kryesisht janë investimet e dobëta.
Njoftimi i FMN-së ul pritshmëritë për perspektivën e rritjes ekonomike edhe për shumë vende të zhviilluara dhe vende në zhvillim, përgjatë disa viteve në vijim. Nëse biznesi pret rritje më të ulët, kjo do të thotë më pak mundësi për shitjen e prodhimeve dhe shërbimeve, e kështu më pak para për të investuar.
Në këtë rast, eurozona merr fokusin kryesor. FMN pret që eurozona të vijojë rimëkëmbjen e vlerëson se rritja në eurozonë do të jetë 1.2 për qind këtë vit dhe 1.4 për qind vitin e ardhshëm.
Për Bankën Qendrore Europian, prioritet i menjëhershëm është menaxhimi i deflacionit, apo rënies së çmimeve që tashmë ka nisur.
Ka ekonomistë që mendojnë se deflacioni mund të nxisë nga e para krizën e borxheve në eurozonë. Rënia e çmimeve është problem, sidomos për debitorët, pasi të ardhurrat e tyre sikundër të ardhurat e qeverisë nga taksat mund të bien, por nuk ndjekin këtë trend pagesat e borxhit.
Ngadalësimi ekonomik në Kinë është një tjetër faktor, shifrat tregojnë se ngadalësoi në 7.4 për qind rritje ekonomike vitin e kaluar nga 7.7 për qind në 2013.
Rënia më e madhe parashikohet në Rusi, e cila do të ketë një tkurrje prej 3 për qind të ekonomisë këtë vit, dhe 1 për qind vitin e ardhshëm. Recesioni vjen kryesisht nga rënia e çmimit të naftës por edhe për shkak të tensioneve gjeopolitike, apo sanksioneve të Perëndimit.





Lajmet e fundit nga