E fundit!

15:40 Aktualitet

Të premten, mbledhja e Grupit të PS-së dhe kabinetit/ Zbardhet agjenda e takimit

Kryeministri Edi Rama do të mbledhë ditën e premte Grupin ...

Ambasadori i ri i SHBA Donald Lu takohet me Presidentin Bujar Nishani/ 3 prioritet e Ambasadorit të SHBA-së

13 Janar 2015, 15:40, Aktualitet CNA

Ambasadori i ri i SHBA-së Donald Lu takohet me Presidentin e Shqipërisë Bujar Nishani ku i dorëzoi letrat Kredenciale. Mes Ambasadorit të ri dhe Presidentit Nishani u zhvillua një bisedë e ngrohtë dhe miqësore. Bujar Nishani shprehu mirënjohje për kontributin dhe mbështetjen që SHBA i ka dhënë vëndit tonë gjatë këtyre viteve. Në fund të bisedës Presidenti Bujar Nishani i kërkoi Ambasadorit të SHBA Donald Lu që t?i përcillte Presidentit të Shteveve të Bashkuara të Amerikës Barack Obama përshendetjet e tij më të mira dhe të përzemërta duke thënë se shqiptarët do të mbeten gjithmonë miq të mirë të Amerikës.

Më pas Ambasadori Donal Lu ka mbajtur një konferencë për shtyp ku ka treguar për familjen e tij, duke nisur nga prindërit që jetojnë në Kaliforni, më pas për bashkëshorten dhe fëmijët që e shoqërojnë në Tiranë e në përfundim, ka treguar tre prioritetet e misionit të tij në Shqipëri. ?Ambasadorët ndryshojnë, por jo politika amerikane ndaj Shqipërisë?, theksoi Lu në fjalimin e tij të parë në Tiranë.

?Uashingtoni më ka dhënë 3 prioritete për ecurinë e reformave drejt anëtarsimit në BE, zhvillimi i Shqipërisë si aleate e NATO-s dhe forcimi i institucioneve demokratike.?

?Gjatë kohës së pritjes mësova shqip?, tha Lu, ? ?ndaj më lini t?ju tregoj pak për veten dhe familjen time dhe pastaj do të flas për prioritetet e Uashingtonit për Shqipërinë.?

?Së pari, jam rritur në një qytet bregdetar në jug të Kalifornisë, që është i njohur në Amerikë si qyteti i serfit. Ky qytet është multietnik e ku shumë njerëz, edhe nga Shqipëria, vijnë për të gjetur mundësi të reja për veten dhe familjet e tyre.

Babi im erdhi nga Kina; ai ishte një inxhinier i sukseshëm dhe kishte ?hoby?, makinat e vjetra. Nëna ishte lindur në atë qytet nga prindër, gjithashtu, emigrantë; pasi mbaroi universitetin, ajo u bë presidente e një kompanie kompjuterash. Prindërit kursyen paratë e tyre për të na dhënë arsim të mirë.

E gjithë familja ime jeton në Kaliforni, kurse bashkëshortja ime e dashur është me mua këtu dhe është specialiste e shëndetit publik. Ne kemi dy fëmijë: Allia, 9 vjeçe dhe Kip, 13 vjeç, që janë super të zgjuar dhe shumë të lumtur që janë në Shqipëri.

Prioritet e mia janë tre: Integrimi i Shqipërisë në BE, në strukturat euro-atlantike dhe forcimi i institucioneve demokratike.

Marrja e statusit kandidat është një arritje e pamatë, për të cilën shqiptarët duhet të jenë shumë krenarë. Ne mbështesim integrimin e mëtejshëm të Shqipërisë në NATO dhe BE. Kjo mbështetje është nxitje e përpjekjeve të Shqipërisë në luftën kundër korrupsionit dhe krimit të organizuar.

Të jeni të sigurtë se ne do të jemi miq të të gjithë shqiptarëve. Ambasadorët ndryshojnë, por politika amerikane nuk ndryshon,? theksoi ai.

I pyetur nga gazetarët për sulmet në Francë, Donald Lu vërejti se në kuadrin e masave kundër terrorizmit, ?SHBA janë të shqetësuar për luftëtarët e huaj që marrin pjesë në luftimet në Siri dhe paraqesin kërcënime kur kthehen në vendet e tyre. Ndaj, ne po punojmë me Shqipërinë dhe vendet e tjera partnere për të zbutur këtë kërcëni?, përfundoi fjalimin Ambasadori i SHBA Donald Lu.