E fundit!

19:02 Aktualitet

"Na e kaluan njëherë topin për shalësh"/ Rama nuk tërhiqet për investimin në Zvërnec

Kryeministri Edi Rama ndodhet në Malin e Zi, ku ka ndarë p...

Ministria e Brendshme: PD gënjen për shefin e SHKB-së

11 Janar 2015, 16:24, Aktualitet CNA

Ministria e Brendshme ka reaguar pas akuzave të PD-së për emërimin e Drini Bellos. Sipas saj, akuzat e PD-së janë të pavërteta dhe shpifje.

?Ministria e Punëve të Brendshme sqaron opinionin publik se akuzat e bëra nga PD për emërimet në Shërbimin për Çështjet e Brendshme dhe Ankesat janë krejtësisht të pavërteta dhe synojnë të hedhin baltë mbi punën dhe rezultatet që ka arritur MBP edhe në luftën kundër korrupsionit brenda radhëve të Policisë së Shtetit.Përsa i përket emërimit të z.Drini Bello në strukturat e SHÇBA sqarojmë se:

Drini Bello ka konkuruar në datë 21.02.2014 në Drejtorinë e Përgjitshme të SHÇBA për vendin e punës të shpallur të lirë ?Specialit hetimi?. Pasi është shpallur fitues nga konkurimi, është emëruar inspektor pranë Drejtorisë së SHÇBA Tiranë, detyrë të cilën e mban edhe aktualisht.

Emërimi i tij është bërë pasi kandidati përmbushte të gjitha kriteret e përcaktuara nga ligji. Ky kandidat ka paraqitur dëshminë përkatëse të penalitetit si dhe vërtetimet e Gjykatës dhe Prokurorisë, në të cilat vërtetohet se ai nuk ka qenë i dënuar më parë dhe në ngarkim të tij nuk ka asnjë çështje penale të hapur.
Gjithashtu Drini Bello është kontrolluar nga Drejtoria e Sigurimit të Informacionit të Klasifikuar (DSIK) dhe pajisur me çertifikatë sigurie të kategorisë ?Tepër sekret?. Bazuar në të gjitha këto të dhëna Ministria e Punëve të Brendshme sqaron opinion se emërimi i këtij shtetasi në detyrën e specialistit të SHÇBA është tërësisht ligjor.

Ministria e Punëve të Brendshme garanton qytetarët se ka ikur koha kur personat me të kaluar të errët kriminale bëheshin pjesë e administratës shtetërore dhe strukturave të Policisë së Shtetit. Strukturat e specializuara të kontrollit pranë MPB janë të angazhuara për të mos toleruar asnjë shfaqje të korrupsionit apo inkriminimit në radhët e MPB dhe Policisë së Shtetit?, thuhet në deklaratën e Ministrisë së Brendshme.