Kryeministri Rama hedh tjeter emer per Guvernator. Kompetenca eshte e Presidentit

27 Nëntor 2014, 23:00, Politikë CNA

Për muaj të tërë maxhoranca ka lëshuar tym me emra të ndryshëm si kandidatë potencial për të zëvendësuar Ardian Fullanin në krye të BSH-së, por emri më i përfolur që Edi Rama preferon për këtë post është një zyrtar që punon për FMN-në.

Asi nën mëngë i radhës është një shqiptar, por i natyralizuar si amerikan prej shumë vitesh, i quajtur Niko Hobdari, raporton Ora News.

Puna e tij si analist në një prej institucioneve më të njohura ndërkombëtare financiare si FMN, është e/;.dhe arsyeja se pse maxhoranca ka marrë iniciativën për ndryshimin e ligjit të BSH-së dhe sidomos pikën që saktëson se Guvernatori duhet të ketë shtetësi të huaj.

Maxhoranca kërkon të ndryshojë ligjin që ti hap rrugë një guvernatori që ka shtetësi të huaj.

Ndërkohë që ligji për Bankën e Shqipërisë në nenin 44 saktëson se anëtarët e Këshillit Mbikqyrës ku përfshihet dhe Guvernatori duhet të kenë shtetësi shqiptare.

Nga ana tjetër Kushtetuta e Shqipërisë nuk saktëson nëse Këshilli Mbikqyrës apo Guvernatori duhet të jenë me shtetësi shqiptare apo të huaj.

Në nenin 161 të Kushtetutës përcaktohet vetëm mënyra e se si zgjidhet Guvernatori.Edhe pse ende nuk asgjë zyrtare burime të besushme bëjnë më dije se një nga emrat më të përfolur është Niko Hobdari, ndërkohë që Presidenti Bujar Nishani pritet të propozojë një emër tjetër për Guvernator në orët e ardhshme.

Niko Hobdari ka punuar në Ministrinë e Financave në Shqipëri në vitin 1988 deri në vitin 1993.Kandidatura e Hobdarit vlerësohet në Shqipëri, sidomos për aftësitë e tij menaxheriale.

Hobdari është një ekonomist me 15 vite eksperiencë në Fondin Monetar Ndërkombëtar dhe ka shërbyer në disa vende të Europës në bazë të programeve të FMN-së si dhe në Tanzani

Përsa i përket arsimit, Hodari ka përfunduar studimet në Univesitetin e New York për politika menaxheriale në ekonomi, Universitetin për Ekonomik në Merilend si dhe në Universitetin e Tiranës.

Ky është një prej emrave që është lakuar edhe më parë në Shqipëri, por duke qenë se ligji për Bankën e Shqipërisë thekson se Guvernatori i Bankës Qëdrore duhet të ketë shtetësi shqiptare atëherë e vetmja mënyrë për maxhorancën është të ndryshojë ligjin.

Ndërkohë Guvernatori zgjidhet nga Kuvendi me propozim të Presidentit të Republikës për 7 vjet,me të drejtë rizgjedhjeje.

Për të arritur që të ketë një Guvernator të huaj, maxhoranca është e detyruar që të bëj konkrete sa më parë nismën për ndryshimin e ligjit të BSH-së, ose mund të bllokojë propozimet e Presidentit duke mos i kaluar në Kuvend.