E fundit!

22:33 Kronika

Përplasen dy automjete në zonën e "Xhamllikut" në Tiranë/ Policia në vendngjarje

Një aksident rrugor ka ndodhur mbrëmjen e sotme në rrugën ...

Lapsi.al: Fushata kundër kancerit të gjirit i jepet Kocos dhe Karlos

23 Tetor 2014, 22:00, Politikë CNA

Duke filluar nga ora 18:00 e ditës së djeshme, një video-projektor do të përcjellë përgjatë gjithë mbrëmjes mesazhin sensibilizues për më shumë ndërgjegjësim për sëmundjen e kancerit të gjirit.

Kryeministri Edi Rama ka paralajmëruar qysh dje përmes Twiter-it këtë veprimtari.

?Ne 18.00 Kryeministria bëhet ekran i gjallë i betejës kundër një kanceri që luftohet me informacion?, shkruante në faqen e tij në rrjetet sociale.

Ndërkaq, ditën e nesërme kreu i qeverisë do t?i bashkohet konferencës ?Bashkë kundër kancerit të gjirit?, e cila organizohet për të dytin vit radhazi, në kuadër të muajit kundër kësaj sëmundjeje. Në konferencën e cila do të mbahet në orën 10.00 në Hotel Sheraton, do të marrë pjesë edhe ministri i Shëndetësisë, Ilir Beqaj, Koordinatorja e Përhershme e Kombeve të Bashkuara në Shqipëri, zonja Zineb Touimi-Benjelloun, ambasadori italian në Tiranë Massimo Gaiani, mjekë specialistë nga Milano.

Por ndërkohë një portal i pavarur, Lapsi.al, ngre dyshime për përdrimin e kësaj fushate kundër kancerit për të ndihmuar media afër qeverisë. Në një vëzhdim në faqen lapsi.al ngrihet pikpyetje për rolin e A1 Report dhe Shqiptarja.com në këtë veprimtari:

Lapsi shkruan:

?Në një njoftim publik të ardhur nëpër redaksi shikohet se në qendër të fushatës publicitare për kancerin e Gjirit është televizoni A1 Report pronë e përbashkët e Carlo Bolinos dhe Koco Kokëdhimës, si dhe gazeta Shqiptarja.com

Në ftesën e sotme bile në krye të posterit, duket sikur këto dy mendje që kanë një pronar e gjysëm, janë dhe sponsorë të këtyre veprimtarive.

Lapsi u interesua dhe mësoi se në të vërtet zoti Bolino është përfitues i një projekti rreth 300 mijë dollarë me disa faza që menaxhon fushatën kundër kancerit të gjirit, që është një veprimtari e mbështetur nga Ministria e Shëndetësisë dhe e financiauar nga projekti i përbashkët shqiptato italian për ristrukturimin e borxhit italian në Shqipëri.

Nuk duam të hyjmë në kulisat që e kanë bërë një botues mediash proqeveritare në Shqipëri kujdestar për kancerin e gjirit, por duam thjesht ta ndaj rolin e tij si botues i dy medieve, (pa llogoritur Koçon) me të dukurit si donatorë në këtë histori. Në të vëretet është përfitues. Kjo pastaj ha diskutim tjetër, por së paku mos të gënjejnë publikisht.?

Nuk ka ndonjë reagim nga botuesi Bolino, por ai mund të ketë aplikuar në këtë projekt dhe përmes ndonjë OJQ të vetën. Në këtë rast i vetmi problem është se ka deleguar fondet e fushatës tek mediet e tij.