E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

Rama: Fund rrënimit të arsimit

15 Shtator 2014, 09:39, Politikë CNA

Me nisjen e vitit të ri shkollor, nxënësit nuk do të kenë mundësi falë teknologjisë që do të implementohet, që të gënjejnë prindërit për mungesat e tyre në orët e mësimit apo për notat e marra.

Kjo u bë e ditur nga Kryeministri Edi Rama, i cili ishte uroi nga shkolla e mesme ?Ismail Qemali?, nxënësit për nisjen e vitit të ri shkollor.

Kreu i Qeverisë, tha se kjo shkollë do të jetë një nga shkollat pilot sa i përket implementimit të teknologjisë, ku siç theksoi Rama nxënësit nuk do të mund të gënjejnë më prindërit e tyre për mungesat te tyre në orët e mësimit.

Po ashtu kryeministri theksoi se edhe notat do të jenë transparente, çka do të thotë që ata t?i shkojnë prindërve me mesazh në celular, duke mos lejuar më që fëmijët e tyre t?i gënjejnë.

?Kemi projektin e kalimit teknologjik, nga librat tek teknologjia. Ka të mirat e veta por edhe taksiratet. Prindërve kështu nuk mund tu thoni më isha në shkollë kur në fakt munguat, apo kur merrni një notë dhe ajo ju shkon prindërve në telefon. E di janë taksirate por skeni çtë bëni.?, theksoi Rama.

Më herët Kryeministri Edi Rama përmes një mesazhi të shpërndarë përmes rrjeteve sociale uron nxënësit me rastin e vitit të ri shkollor, sikundër thekson fundin e rrënimit të mësimdhënies në shkolla.

?Urime gjithë nxënësve që po shkojnë në shkollë për të nisur një vit të ri në rrugën e diturisë. Për ne nis sfida.

Fund rrënimit të mësimdhënies me mësues biologjie që japin matematikë a mesues gjeografie që japin kimi e muzikë?, shkruan Rama në rrjetet sociale.