Shtyhet festivali i Gjirokastrës/ Dyshime për fondet në sherbim të dasmës së Ministrit Veliaj

10 Shtator 2014, 11:41, Aktualitet CNA

Festivali Folklorik Kombëtar i Gjirokastrës këtë vit nuk do të zhvillohet në shtator, por në pranverë. Edhe pse ky festival zhvillohet çdo 5 vjet në muajin shtator, kjo shtyrje, deklaron ministrja e Kulturës Mirela Kumbaro, vjen për shkak së asnjë plan veprimi nuk është gati.

Deri këtu gjithcka është normale, por harohet të theksohet një detaj, dasma e Ministrit Veliaj, pra që skena ishte gati per festivalin dhe investimet në qëllim të festivalit. Ministri i gjeti aty dhe e perdori, ne nje dite me shi ku të ftuarit mezi u ushqyen me katering dhe verë kutie.

Ministria e Kulturës e zbardh të verteten përse sherbyen dhjetra miliona lekë invetime në inftastruktureë e Kalasë, invetimet në rrugen që të con aty dhe në vecanti fondet për Festivalin që duket se i ë shërbyer dasmës së Ministrit Veliaj.

?Nuk gjetëm në shtator të 2013 asnjë praktikë të organizimit, asnjë projekt të ngritur, asnjë kuadër financiar që është i domosdoshëm të mobilizohet për ndërtimin e tij dhe prandaj e gjykuam pas shumë konsultimesh ta bënim ashtu siç e do dinjiteti i një ngjarje të tillë ta zhvendosim në vitin 2015,?-u shpreh ministrja Kumbaro.

Ndryshe nga vitet tjera këtë herë festivali nuk do të kufizohet vetëm me pjesëmarrësit e grupeve artistike brenda vendit.

?Do të ketë grupe përfaqësuese nga Kosova dhe jo vetëm nga Kosova po ashtu edhe nga Maqedonia edhe nga Mali i Zi,?-vijoi Kumbaro.

Sipas Kumbaros prej disa muajsh është ngritur një grup pune për festivalin Folklorik 2015, për të sjell jo vetëm një festival të nivelit të lartë, por edhe një promovim edhe të trashëgimisë kulturore, kulinarisë dhe artizanatit. Grupi i punës po punon edhe për krijimin e një database të festivalit.

?Kemi regjistruar rreth 80 shoqata kulturore artistike, 75 ansamble popullore, 36 rapsodë dhe mbartës folklori, 34 orkestrina popullore dhe 20 artizanë prodhues të kostume popullore,?-tha ministrja e Kulturës.

Festivali do të vij në bashkëpunim me qeveritë lokale dhe në bazë qarku. Çdo qark do të ketë një grup pjesëmarrësish me rreth 50 artistë konkurrues. Koha e konkurrimit do të jetë 30 minuta për secilin grup, i cili do të vlerësohet nga një komision specialistësh të muzikës popullore.

Kumbaro nuk dha asnjë sqarim për investimet dhe faktin e shtyrjes, menjehere pas dasmes se Veliajt.