E fundit!

19:42 Aktualitet

52 ditë protestë kundër qeverisë/ Qytetarët marshojnë drejt Kryeministrisë

Në sheshin “Skënderbej” janë grumbulluar qytetarët për pro...

Dëmtohet "Post Bllok". Lubonja: E qëllimshme

1 Shtator 2014, 11:33, Aktualitet CNA

Persona ende të pa identifikuar kanë thyer dhe dëmtuar memorialin ?Post Bllok? i vendosur në hyrjen kryesore të ish- Bllokut. Memorialit i janë thyer elementët e xhamit të bunkerit, ndërsa autorët e memorialit e cilësojnë dhunimin një veprim të qëllimshëm.

?Është një akt i qëllimshëm, pasi është një objekti më i vizituar dhe ka një simbolik të caktuar që kujton një periudhë, ndaj nuk mund të mos e interpretosh si një akt të qëllimshëm të njerëzve që duan ta profanizojnë këtë simbolik.

Këtu të irriton indiferenca e shtetit, pasi nuk ka një polic. Bëjnë xhiro andej nga Lazaratit, dhe këtu në qendër të Tiranës nuk ka asgjë, asnjë polic. Këtu u vra Santo para ca kohësh. Ndaj themi se nuk bëhemi njerëz ne?, ka deklaruar për mediat Fatos Lubonja.

Më tej Lubonja ka shtuar se, zona në të cilën është vendosur monumenti është e survejuar nga kamerat, ndaj duhet të identifikohet autori.

?Injoranca është nëna e gjithë të këqijave, ndaj injoranca pjell intolerancë, diktaturë. Mendohet se kjo është bërë nga enveristë, ose fëmijë enverist, ndaj është detyrë e qeverisë ta zbardh këtë ngjarje. Këtu u krye një krim moral dhe krim ekonomik?, tha Lubonja.

Akt të qëllimshëm e ka quajtur dhe Ardian Isufi, një nga ideuesit e këtij monumenti.

?Është e qëllimshme, pasi nga specifikat që ka xhami duket se është ushtruar dhunë. Këtu duhet të ketë një eksitim politik ndaj kësaj pune. Është thyer xhami ballor i bunkerit nga një goditje thuajse shpërthyese, ndaj themi se nuk është element që është shkaktuar nga një njeri i rrugës, por nga një grup njerëzish për ta degraduar këtë punë, për të na sjellë në vëmendje tek e kaluara?, tha Isufi.

Më tej, Isufi theksoi se kjo nuk ka qenë hera e parë që pranë këtij monumenti ndodh një incident i tillë.

?Denoncimin e parë e kemi bërë në Bashkinë e Tiranës. Ndaj e shoh që është e qëllimshme, pasi nuk është hera e parë që kanë ndodhur incidente këtu, pasi pak ditë më parë na u sinjalizua nga Bashkia se në këtë monument ka pasur ndërprerje të energjisë elektrike. Dyshoj se është një rast?, tha Ardian Isufi.