Përse Prokuroria nuk i kërkon Këshillit të Ministrave pezullimin e Guvernatorit për të mos ndikuar në hetime?

28 Gusht 2014, 23:59, Aktualitet CNA

Ndërsa hetimet për skandalin e Bankës së Shqipërisë po mbahen larg syve të publikut, brenda Bankës së Shqipërisë ka shqetësim për atë çfarë po fshihet rreth inventarizimit të rezervave të arit.

Lehtësia me të cilën janë marrë miliarda lekë nga stoku i Bankës, mund të ketë prekur dhe rezervat e arit. Kjo gjë po mbahet sekret dhe ka shtuar dyshimet për suksesin e hetimeve. Dyshimet për hetimet janë shtuar dhe nga fakti që disa personzhe përgjegjës janë endë në Bankë të patrazuar.

Një nga organizatorët e protestave, Basir Çollaku, shkruan sot për dy zyrtarë të lartë të Bankës, që janë ende të pathirrur dhe të ndaluar nga policia.

Ai i referohet si I.Sh. dhe A.D., shefi direkt i Bitrit.

Afrim Dumani, njëkohësisht vartës i Çollakut vazhdon punën normalisht, ndërkohë që eprori i tij është nën akuzë, ndërsa vartësi i tij ka pranuar vjedhjen.

Po ashtu mësohet se dy të akuzuarit kryesorë që kanë pranuar krimin nuk takohen prej javësh nga askush.

Nuk është rastësi që të dy nuk kërkojnë rivleresimin e masës së arrestit, qoftë për të takuar edhe familjarët.

Çollaku pyet: ?Përse Prokuroria nuk i kërkon Këshillit të Ministrave pezullimin e Guvernatorit për të mos ndikuar në hetime?

Çfarë do të thotë i nderuar Llalla dhe Fullani bashkëpunim?

Të merreni vesh bashkë?

Të sajdisni letrat, të digjni afatet dhe pastaj për arsye procedure të lirohen të burgosurit e arrestuar deri më tani?

? Gjasat flasin hapur se Prokuroria është përgjumur në këtë histori, ndërsa politika e majtë dhe e djathtë i rreh shpatullat.

Guvernatori vazhdon ison e talljes, fyerjes, duke u mbajtur ison politikanëve se na qenkërka i pavarur.

Pra njeriu biblik na qenka z. Fullani, pa të cilin financat shqiptare na shkërmoqen.

Sistemi ka rënë, por gënjeshtra e fullanizmit e mban në këmbë?

Tërheqja në dy muaj e 28 milionë eurove nga bankat nuk është se ndodh nga pavaresia, por hajnia.

Dhe zyrtarët që kane shpatullat e ngrohta vazhdojnë të punojnë të pavarur nga vjedhja e pavarur.