E fundit!

22:27 Ekonomi

Hyn në fuqi rregullorja e re/ Licencat e shoqërive në ndërtim do të vlejnë deri në 5 vjet

Licencat e shoqërive të ndërtimit do të kenë afat vlefshmë...

Fino-Halimi debate per reformen territoriale

3 Korrik 2014, 14:01, Politikë CNA

Mazhoranca duket seka mbetur e zhgënjyer nga vendimi dhe qëndrimi i Partisë Demokratike për të mos paraqitur asnjë variant apo hartë të ndarjes së re territoriale. Një ditë pas publikimit të rezolutës nga Partia Demokratike dhe drejtuesit vendorë të saj në lidhje me reformën territoriale, bashkëkryetari i Komisionit parlamentar, deputeti socialist Bashkim Fino theksoi se kërkesa e demokratëve për të shtyrë zgjedhjet lokale nëse nuk bëhet decentralizimi nuk është zgjidhje.

?Ngela i zhgenjyer pasi prisja dhe shpresoja një hartë nga ana e opozitës. Të mbledhesh tre ditë konferencen e të thuash se dua decetralizim për të shtyrë zgjedhjet, nuk më duket zgjidhje kjo?, theksoi deputeti socialist.

Sipas tij, edhe pse shumica i ka dhënë disa herë mundësi opozitës për të kontribuar në këtë reformë nuk ka asnjë propozim konkret prej saj.

?Ne kemi hedhur treg pesë variante dhe nuk ëhstë faji i mazhorancës që ne jemi një hap përpara. Po opozita çfarë ka hedhur? Unë nuk shoh asnjë variant të opozitës në treg. Ne si komision duke respektuar Kushtetutën duhet që brenda 22 Korrikut të mbyllim procesin e konsultimeve me të zgjedhurit vendorë?, u shpreh Fino.

Në vijim ai konfirmoi se reforma do të mbyllet brenda korrikut, ndërsa shtoi se në shtator do të paraqesin një amendament për ligjin e centralizimit.

?Jam dakort qe reforma territoriale që duam të mbarojmë brenda sesionit është e lidhur me reformën e decetralizimit. Po punojme për një ligj të ri për decetralizimin bashke me USAID, por koha në dispozicion është shumë e paktë për të kaluar dhe miratuar të dy ligjet?, theksoi Fino.

Deputeti demokrat Eduard Halimi e ka konsideruar si një imagjinatë të Edi Ramës kërkesën e opozitës për shtyrjen e zgjedhjeve vendore. Në një reagim për mediat, Halimi tha se PD nuk ka kërkuar shtyrjen e zgjedhjeve, sikundër i ka drejtuar apel mazhorancës për t?u ulur me opozitën për të diskutuar në lidhje me reformën territoriale.

?Ne nuk e konsiderojmë këtë reformë thjesht një hartë, sikundër përpiqet ta bëjë mazhoranca. Ne kemi vënë theksin tek shërbimet ndaj qytetarëve, tek transparenca. Për ne 3 komponentët e parë të kësaj reforme janë qytetaratë, ndërsa komponenti i 4-të është harta. Por duket se mazhoranca e ka mendjen tek harta elektorale?, theksoi Halimi.

Në vijim ai shtoi se Kryeministri Rama për t?iu shmangur një përgjigjeje mbi ftesën e bërë nga opozita, nxorri nga imagjinata e tij sikur PD kishte kërkuar shtyrjen e zgjedhjeve.

?Ne s?kemi kërkuar aspak shtyrjen e zgjedhjeve, pasi nuk e konsiderojmë këtë process të lidhur me reformën tërritoriale, por për mendimin tonë kjo reformë ka lidhje me qytetarët dhe me atë se çka ne do u ofrojmë atyre?, tha Halimi.