Qarku Korçë, Spaho: Rama-Peleshi po blejnë votat e Qarkut

15 Maj 2014, 22:00, Politikë CNA

Para mbledhjes se Këshillit të Qarkut të Korçës, Nënkryetari i Kuvendit, deputeti Edmond Spaho, në një konferencë për shtyp nga selia e PD-së Korçë, ka paralajmëruar shitblerjen e Këshilltarëve të djathtë të Qarkut Korçë, që sipas Spahos është kthyer në vendin e shitblerjes dhe trafikimit të votës. Spaho u shpreh se pas përdorimit të parave në zgjedhjet e 23 Qershorit dhe blerjes së votave në zgjedhjet e muajit Nëntor për kryetar bashkie në Korçë, sot në 16 Maj, zhvillohet akti i tretë i blerjes dhe trafikimit të votave, duke ndryshuar vullnetin e zgjedhësve në mënyrë korruptive dhe mafioze.

Ja deklarata e plotë:

“PS dhe LSI vazhdojne maskaraden e blerjes te votave, duke deformuar vullnetin e votuesve ne zgjedhjet e fundit lokale. Pas perdorimit te parave ne zgjedhjet e 23 Qershorit dhe blerjes se votave ne zgjedhjet e muajit Nendor per kryetar bashkie ne Korce, rradha i ka ardhur ndryshimit me mjete jo ligjore te vullnetit te zgjedhesve ne Qarkun e Korces.

Keshilli i Qarkut Korce ka 38 keshilltare perfaqesues te PD dhe aleateve te saj ndaj 33 keshilltareve perfaqesues te PS dhe aleateve te majte. Kater keshilltare te djathte te Qarkut nga te cilet 3 kryetare komunash te PD, te zgjedhur ne keto funksione me voten e dhene nga qytetaret ne zgjedhjet lokale te vitit 2011, deformojne vullnetin e zgjedhesve duke ndryshuar balancen per zgjedhjen e Kryetarit te Qarkut Korce nepermjet presioneve dhe ofrimit te perfitimeve personale.

Ky operacion pa dinjitet dhe i peshtire eshte kryer me miratimin dhe udhezimet e dyshes Rama-Peleshi.

PD nuk ka pasur objeksione per ndryshime ne pushtetin vendor te cilat kane ardhur si rezultat i marreveshjes politike midis PS dhe LSI. Nga keto aleanca ndryshuan balancat ne mjaft njesi vendore midis te cilave edhe Keshilli Bashkiak i Tiranes.

Ndryshe veproi PS e cila bllokoi per tre vjet me rradhe integrimin europian te vendit per shkak te ndryshimit te balancave ne keshillin e Qarkut Fier rrjedhoje e marreveshjes politike midis PD dhe LSI ne zgjedhjet e vitit 2009.

Rasti i Qarkut Korce eshte shkaterrim i themeleve te demokracise pasi te zgjedhur te nje force politike kundershtare blihen me mjete qe te ofron pushteti. Ai eshte provokacion i hapur ndaj opozites dhe thyerje e rregullave te lojes ne nje vend demokratik nepermjet blerjes dhe trafikimit te votave.”