E fundit!

22:00 Aktualitet

VIDEO/ Ndryshim drastik i motit në Vlorë, stuhia përfshin qytetin bregdetar

Qyteti i Vlorës është përfshirë mbrëmjen e sotme nga një s...

Veliaj i ofron punë një protestueseje: Kinge, të gjej punë me 1000 euro/ Ajo refuzon

30 Prill 2014, 22:00, Aktualitet CNA

Kryeministri Edi Rama është pritur me protesta dhe thirrje anti-Qeveri kur ka dalë nga mjediset e Pallatit të Kongreseve, ku është hapur Panairi i Punës. Nën thirrjet ?Qeveri mashtruese?, ?Largohuni?, ?Mashtrues?, disa përfaqësues të shoqatës së të larguarve nga administrata kanë zgjedhur mënyrën për të përcjellë kreun e Qeverisë.

I pranishëm në panair ishte dhe ministri i Mirëqënies Sociale Erion Veliaj, i cili pasi ka dalë nga aktiviteti ka kontaktuar me një nga protestueset, duke i ofruar madje edhe një vend pune përmes panairit.

?Jam inxhiniere mekanike dhe më larguar nga puna, pse më larguat?, iu drejtua protestuesja ministrit Veliaj me një ton të lartë, ndërsa ai kërkoi qetësi pasi ?të bërtasësh nuk është punë?.

Veliaj ka ftuar zonjën që bashkë me të të shkojnë në stendat e Panairit të Punës për të aplikuar për një vend pune, por protestuesja nuk ka pranuar. ?Nuk dua punë nga ju?, iu drejtua protestuesja ministrit Veliaj.

SHIKO VIDEON:

http://www.youtube.com/watch?v=gmEXt0dDcgk#t=27

Debati:

Gruaja: Ne ishim, pse na hoqët?

Veliaj: Kinge, shiko ta shpjegoj unë!

Gruaja: Nuk ka nevojë për kinge, se unë jam sa nëna jote, mos më fol në atë gjuhë. Tregohu më serioz, se je fëmija im. Mua me 29 mars më kanë hequr nga puna.

Veliaj: Tani je gati të fillosh punë?

Gruaja: Ku? Jam në profilin tim, jam inxhiniere mekanike, isha atje, isha mirë, pse më hoqët? Pse duhet të sillni juve të tjerët?

Veliaj: E do përgjigjen apo do të bërtasësh?

Gruaja: Jo nuk dua përgjigje fare, unë do bërtas që të më çoni në vendin e punës, por jo të më hiqni. Po ti çfarë ke bërë 8-9 vjet? Bërtite, llape dhe ti 8 vjet.

Veliaj: Në qoftë se do punë, më jep dorën dhe hajde shkojmë të gjejmë punë.

Gruaja: Unë të jap dorën ty për atë punë ordinere?

Veliaj: Jo jo punë 1 mijë euro, inxhiniere ndërtimi, 1 mijë euro punë, hajde të të çoj. E do punën hajde të të çoj.

Gruaja: Jo jo dua vendin tim të punës.

Veliaj: Hajde të të çoj tek puna, më jep dorën.

Gruaja: Po ik se ju mashtroni, ju jeni gënjeshtarë.

Veliaj: Jo pension në shtet, po do punë hajde, hajde në punë.

Gruaja: O zotëri unë isha mirë në vendin e punës, pse më hoqët, pse më hoqët?