web counter
LEXO PA REKLAMA!

SHKARKO APP

App Store
Google Play

Nga ish-kapiteni Mavraj te lojtari aktual i Kombëtares dhe Bejzade. Sa emra të njohur në kursin e FSHF-së për trajnerë!

2023-01-07 13:52:13, Sport CNA

FSHF do të organizojë në fillimin e kësaj jave kursin për trajnerë UEFA A në edicionin e 20 të tij. Një kurs i cili është etapa e radhës për të gjithë ata që dëshirojnë të bëhen pjesë e botës së trajningut profesionist e ku janë pjesëmarrës shumë emra të njohur.

Kursi i cili nis në janar dhe përfundon në qershor, këtë vit ka një grup shumë të njohur ish-futbollistësh e futbollistesh, të cilët për shumë vite kanë qenë pjesë e ekipeve kombëtare apo klubeve të njohura në vendin tonë apo jashtë. UEFA A u mundëson atyre që të jenë zëvendëstrajnerë në ekipet e Superiore, por edhe të drejtojnë në ekipet U-21, U-19, U-17 dhe U-15, në Shqipëri apo jashtë saj, si hapi i parë i trajningut në nivel profesionist.

Këtë herë, pjesëmarrës janë emra si ish-kapiteni i Kombëtares shqiptare, Mërgim Mavraj, por edhe futbollisti aktual i saj, Ermir Lenjani i cili do të kombinojë “bankat e shkollës” me aktivizimin në Turqi me Umraniespor. Një tjetër emër shumë i njohur është edhe ai i Besart Berishës, ndërsa nuk mungojnë ish-futbollistë të spikatur të kampionatit shqiptar si Gentjan Muça, Ndriçim Shtubina apo edhe Skerdi Bejzade i cili drejton prej vitesh në kategoritë e ulëta në Gjermani.  Ndërkaq, pjesëmarrëse janë edhe trajnere vajza me një të kaluar në ekipet kombëtare si Suada Jashari, Emirjeta Ndoci apo Xhemile Berisha.





Lajmet e fundit nga