web counter
LEXO PA REKLAMA!

SHKARKO APP

App Store
Google Play

E fundit!

x

Hysaj nuk e fsheh krenarinë dhe paralajmëron Juventusin: E kemi përgatitur ndeshjen në detaje

2023-04-08 12:57:00, Sport CNA

Lacion e pret sot në mbrëmje një ndeshje mjaft e vështirë. Bardhekaltrit do të përballen me Juventusin në “Olimpiko”. Elseid Hysaj ka folur për mediat në prag të kësaj sfide dhe paralajmëron “zonjën e vjetër” se e kanë përgatitur ndeshjen në detaje.

“Gjatë javës e përgatitëm këtë ndeshje në detaje. Fatkeqësisht, në dy vitet e fundit nuk kemi arritur t’i mposhtim kurrë. Do të duhet të japim diçka më shumë në krahasim me ndeshjet e fundit kundër tyre. Shpresoj të shkojë ndryshe këtë herë, padyshim falë ndihmës së tifozëve tanë”, ka thënë fillimisht Elseid Hysaj.

Mbrojtësi shqiptar është pyetur edhe për bashkëpunimin e tij me Sarrin. 29-vjeçari është lojtari i preferuar i trajnerit italian, teksa në karrierën e tij nuk ka aktivizuar asnjë lojtar tjetër më shumë se Hysajn. Bëhet fjalë për 314 paraqitje nën drejtimin e Sarrit. Sigurisht që një statistikë e tillë i jep vetëm krenari kapitenit të Kombëtares shqiptare.

“Një krenari dhe një nder i madh. Sarrin e njoh prej shumë vitesh. Para Lacios kemi qenë bashkë në Empoli dhe Napoli. Atij i pëlqen të përmirësojë çdo lojtar që stërvit dhe shpresoj të jem në gjendje të punoj me të edhe për shumë vite të tjera”, është shprehur Elseid Hysaj.





Lajmet e fundit nga