web counter
LEXO PA REKLAMA!

SHKARKO APP

App Store
Google Play

E fundit!

x

Dorëzohet Cardiffi, nis të paguajë për sulmuesin që nuk e pati kurrë

2023-01-11 19:20:29, Sport CNA

Klubi i Cardiffit “dorëzohet” dhe nis të paguajë për kartonin e Emiliano Salës, teksa një zyrtar i uellsianëve ka zbuluar se janë paguar rreth 7 milionë paundë, ose kësti i parë i akorduar me francezët e Nantes.

Futbollisti argjentinas Emiliano Sala humbi jetën tri vite më parë, pasi avioni me të cilin po udhëtonte nga Franca drejt Cardifit, për yt’u bashkuar me klubin e Premier League, u rrëzua në kanalin e La Manshit.

Megjithatë që atëherë mes klubit uellsian dhe francezëve të Nantes nisi një betejë ligjore mbi pagesën e kartonit të futbollistit, transferimi i të cilit mbeti pezull, pas rrëzimit të avionit.

Klubi i Nantes pretendonte se palët kishin arritur marrëveshjen dhe Cardiffi duhej të paguajë, ndërsa uellsianët refuzuan, me pretendimin se transferimi nuk u kompletua kurrë, ndaj palët iu drejtuan FIFA-s për zgjidhje.

Vendimi i parë ishte në favor të Nantes dhe çështja aktualisht është në apel, megjithatë pezullimi i merkatos për tre periudhë ndaj Cardiffit, detyroi uellsianët të paguajnë këstin e parë prej 5.3 milionë paundësh, që bashkë me interesat shkoi në 7 milionë paundë.

Tani te Cardiff presin që t’u lirohet merkatoja dhe të mund të federojnë futbollistë të rinj që në muajin janar, pasi klubi po vuan jo pak dhe rrezikon të bjerë edhe nga Championshipi anglez.





Lajmet e fundit nga