web counter
LEXO PA REKLAMA!

SHKARKO APP

App Store
Google Play

Dhunë te futbolli i femrave, reagon klubi i Tiranës: Sulm fizik nga shkodranët

2023-11-25 20:00:00, Sport CNA

 

Klubi i Tiranës, ka reaguar së fundmi, në lidhje me sherrin në futbollin e femrave, në sfidën mes kryeqytetaseve dhe Vllaznisë.

Bardheblutë shkruajnë se u sulmuan fizikisht nga stafi shkodran, të cilët sipas tyre, në fillim kishin ndaluar zhvillimin e ndeshjes.

REAGIMI I PLOTË I TIRANËS:

Ditën e sotme ishte planifikuar të luhej ndeshja KF Tirana Femra - KF Vllaznia Femra, në kompleksin “Skënder Halili”. Në këtë takim, klubi shkodran nuk ka lejuar që ndeshja të luhet, duke dhënë shembullin më të keq, në një vend ku futbolli i femrave po zhvillohet dhe për më tepër që dy skuadrat ishin duke zhvilluar kampionat me pikë të plota dhe duke ndarë vendin e parë.

Në minutën e 22-të ndeshja është ndërprerë,  pasi skuadra kundërshtare ka reaguar ndaj pankinës sonë, fillimisht duke sharë e duke fyer, e më pas duke kaluar edhe në dhunë fizike.

Situata ka eskaluar, ku drejtuesit e Vllaznisë Femra, janë larguar nga pankina e tyre dhe kanë ardhur në pankinën e skuadrës së Tiranës dhe kanë nisur të shfaqin akte të tmerrshme dhune e të godasin stafin teknik, drejtuesit e klubit të Tiranës Femra si edhe futbollistet.

Klubi i Vllaznisë Femra ka dhunuar barbarisht drejtoreshën e klubit të Tiranës, Edonisa Aliaj, portieren Delvina Dyrmishi dhe futbollisten Flondra Behrami.

Dhuna ndaj grave edhe vajzave është një shkelje e përhapur e të drejtave të njeriut dhe një problem global i shëndetit publik me përmasa epidemike.

Ne si klub, presim zbardhjen e kësaj çështjeje nga organet kompetente dhe jemi të gatshëm të bashkëpunojmë deri sa ngjarja të zbardhet plotësisht e aktorët që po shkatërrojnë futbollin “Fair Play”,  të marrin dënimin e merituar.

Asnjë justifikim për dhunën ndaj vajzave dhe grave! Asnjë justifikim për dhunën në sport!





Lajmet e fundit nga