web counter
LEXO PA REKLAMA!

SHKARKO APP

App Store
Google Play

E fundit!

x

Juria i është

2022-11-05 15:01:00, Lifestyle CNA

Juria i është

Megi Pojani është një nga vajzat më të komentuara të mediave rozë. Gjithmonë arrin të jetë në qendër të vëmendjes kjo për shkak të karakterin te saj ekstravagant dhe moskokëçarës.

Së fundmi ajo i është bashkuar kastit të “Dance With Me Albania”, ku pjesëmarrja e saj është shoqëruar me shumë bujë.

Që në javët e para të spektaklit ajo ka bërë shumë bujë, e madje është përfolur nga mediat edhe për “përplasjet” e saj me jurinë.

Ajo është komentuar për natyrën e saj provokative, ku juria e ka kritikuar se nuk duhet të jetë kaq provokative në çdo kërcim. Epo kështu është Megi dhe këtë “armë” është vështirë ta harrojë në shtëpi. Por kjo e bën atë të veçantë dhe të dashur të publikun, i cili ndjek me kërshëri çdo dalje të saj, si ata që e duan, por edhe ata që nuk i kursejnë kritikat.

Pjesëmarrjen e saj në DWTS, ajo e ka marrë shumë seriozisht, e këtë e ka konfirmuar edhe partneri i saj i kërcimit, balerini Jurgen Bala.

Bala është shprehur se Megi është shumë e përkushtuar gjatë provave dhe se çdo kritikë e kthen në mësim, dhe pretendon të jetë fituese e këtij kompeticioni.

Siç dihet konkurentët e “Dancing With The Stars”, vlerësohen nga juria, por gjithashtu edhe nga votat e publikut. Edhe pse Megi ka një numër të madh ndjekësish dhe fansash që e mbështesin, ajo nuk heziton në asnjë moment që të kërkojë haptazi mbështetjen e tyre, por si gjithmonë përmes humorit dhe grintës që e karakterizon.

Por cila është një tjetër lëvizje e “Team Megi” që po bëhet kohët e fundit për të fituar më shumë vota.

Në fakt një ndër suportueset e saj më të mëdha është motra e saj Ina Pojani, pa përjashtuar këtu edhe Marsin pasi të dyja e ndjekin në çdo puntatë. Por Ina është ajo që po ndihmon motrën e saj më një “strategji”. Duke qënë se Ina ka një biznes të vogël ku prodhon ëmbëlsira dhe i shpërndan në formën e kateringut, ajo ka vendosur që në çdo pako që mbërrin tek klientët të fusë edhe disa fletëpalosje ku kërkon votën e publikut.

“Votoni numrin 10”- është thirrja e Inës, e cila suporton motrën e saj me çdo formë.



Pamjet janë postuar nga disa prej miqve të Megit, të cilët kanë treguar se brenda porosive të tyre tek “Dhëmbi i Ëmbël”, u kanë mbërritur edhe fletëpalosjes me logon e DWTS dhe “Votoni numrin 10”.

Një metodë shumë e bukur, e nuk mund të mos themi që motrat dinë si të bëjnë zhurmë./CNA.al





Lajmet e fundit nga