web counter
LEXO PA REKLAMA!

SHKARKO APP

App Store
Google Play

Në kërkim për falsifikim të stampave dhe formularëve/ Arrestohet një person në Tiranë

2024-07-02 13:35:00, Kronika CNA
Në kërkim për falsifikim të stampave dhe formularëve/
Foto ilustruese, marrë nga Google

Policia e Tiranës ka arrestuar një shtetas të shpallur në kërkim për falsifikim të stampave dhe formularëve.

Në prangat e policisë ka rënë M.M i cili ishte shpallur në kërkim pasi Gjykata e Shkallës së Parë e Juridiksionit të Përgjithshëm Tiranë e ka dënuar me 3 vjet burgim, për veprën penale "Falsifikimi i stampave ose formularëve".

Njoftimi i policisë: 

Vijojnë kontrollet në kuadër të megaoperacionit “Sundimi i ligjit”.

Në zbatim të masave të përcaktuara në kuadër të këtij plani operacional u finalizua operacioni policor i koduar "Stampa".

Kapet dhe ndalohet një shtetas i shpallur në kërkim për falsifikim të stampave dhe formularëve.

Shërbimet e Seksionit të Kërkimit, në zbatim të masave të hartuara në kuadër të megaoperacionit policor të koduar "Sundimi i ligjit", bazuar në informacionet e siguruara për vendndodhjen e një shtetasi në kërkim, kanë intensifikuar kontrollet për kapjen dhe vënien e tij përpara përgjegjësisë ligjore.

Si rezultat i kontrolleve të ushtruara, në Ali Dem, u kap shtetasi M.M, banues në Tiranë, i cili ishte shpallur në kërkim pasi Gjykata e Shkallës së Parë e Juridiksionit të Përgjithshëm Tiranë e ka dënuar me 3 vjet burgim, për veprën penale "Falsifikimi i stampave ose formularëve".

Materialet i kaluan Prokurorisë, për veprime të mëtejshme./CNA 





Lajmet e fundit nga