web counter
LEXO PA REKLAMA!

SHKARKO APP

App Store
Google Play

Veliaj quajti “gabim” aferën e inceneratorit/ Këlliçi: I bëri bisht përgjegjësisë duke ua faturuar drejtorëve

2024-02-20 22:04:00, Aktualitet CNA
Veliaj quajti “gabim” aferën e inceneratorit/
Belind Kellici

Drejtuesi i PD-së në Tiranë, Belind Këlliçi ka komentuar intervistën e kryebashkiakut Erion Veliaj tek media e paguar nga inceneratorët.

Këlliçi e cilësoi si një intervistë ku përpara kishte kukulla dhe jo gazetarë ku vetë bënte pyetjet dhe vetë përgjigjej pasi nuk kishte asnjë pyetje jashtë skenarit.

“Zgjodhi tv e paguar nga inceneratorët, i cili është kallëzuar për vjedhjen e një trualli publik, zgjodhi këtë ku as nuk i bënë pyetje jashtë skenarit, ku vetë pyet vetë përgjigjet, ka kukulla përballë e jo gazetarë”, deklaroi drejtuesi i PD-së në Tiranë.

Sa i përket deklaratës për aferën e inceneratorit të Tiranës të cilën Veliaj e quajti gabime, Këlliçi tha se i bëri bisht përgjegjësive duke ua faturuar drejtorëve që sipas tij hanë dardha dhe kubulla pas shpine.

“I bëri bisht përgjegjësisë duke ia faturuar drejtorëve që sipas tij i hanë dardha e kumbulla pas shpine. Të tjerë do futen në burg”, tha Këlliçi.

Ai e cilësoi këtë si një teori për t’iu shmangur përgjegjësive.

“E ftoj Bashkinë Tiranë  të dalë të më rrëzojë një deklaratë të vetme për dokumentet që kam publikuar. Kanë dalë teorinë që kanë dalë disa drejtorë që kanë bërë gabime, jo mor jo kanë vjedhur”, u shpreh ai./ CNA





Lajmet e fundit nga