web counter
LEXO PA REKLAMA!

SHKARKO APP

App Store
Google Play

Projekti “Auto Moto Park Albania”/ Rama: Garën e fitoi kompania e ish-pilotit të famshëm të Formula 1

2023-02-03 22:03:00, Aktualitet CNA

Projekti “Auto Moto Park Albania”/ Rama: Garën e fitoi kompania

Kryeministri Edi Rama ka reaguar për garën e projektit të  “Auto Moto Parkut” në Elbasan.

Me anë të një statusi në rrjetet sociale, Rama thotë se 4 kompanitë në garë kishin prezantime mbresëlënëse dhe ishin përgatitur seriozisht.

Ai deklaron se konkursi u fitua nga kompania e ish-pilotit austriak të Formula 1, Alexander Wurz dhe babait të tij, Franz Wurz.

Projekti “Auto Moto Park Albania”/ Rama: Garën e fitoi kompania

“Përpara 48 orësh rreth 30 kompani të mëdha ndërkombëtare erdhën në Shqipëri për t’u njohur me projektin e Portit të Ri të Durrësit në Porto Romano, një prurje sipërmarrjesh të huaja që deri para ca vitesh as nuk imagjinohej. Sot katër kompani projektimi mes më të mëdhave të botës, për cirkuitet automobilistike ishin në Tiranë për konkursin ndërkombëtar të shpallur nga #DPSHTRR për Auto Motoparkun që do të ndërtojmë në Elbasan.

Projekti “Auto Moto Park Albania”/ Rama: Garën e fitoi kompania

Të katërta me projekte vizionare dhe prezantime mbresëlënëse nga vetë drejtuesit e kompanive, të cilat ishin përgatitur shumë seriozisht edhe pse praktika e zgjedhur ishte më e pazakonshmja, pa asnjë pagesë paraprake. Në 48 orë këto janë dy prova shembullore të imazhit të ri të Shqipërisë, interesimit në rritje për vendin tonë si një destinacion interesant, jo vetëm për turizëm po edhe për biznes, si dhe rritjes së besueshmërisë tek Shqipëria që ka çelur negociatat me BE, e që sot ka një reputacion ndërkombëtar krejt tjetër nga ai i deri disa viteve më parë.

Konkursin e sotëm e fitoi kompania e ish-pilotit të famshëm austriak të Formula 1 Alexander Wurz dhe babait të tij Franz Wurz, një personalitet i mirënjohur për nismat e tij në fushën e sigurisë rrugore”, shkruan kreu i qeverisë./ B.A. – CNA.al





Lajmet e fundit nga