web counter
LEXO PA REKLAMA!

SHKARKO APP

App Store
Google Play

E fundit!

x

Skema mafioze e inceneratorëve/ Ish-ministri ngre nëntë pyetje që “kryëzojnë” Qeverinë

17 Shkurt 2022, 08:17, Politikë CNA

Ish-ministri i Drejtësisë, Ylli Manjani e ka cilësuar si një ?skemë mafioze?, koncesionin e inceneratorëve në Shqipëri

Në një postim në rrjetet sociale, Manjani thekson se çështja e inceneratorëve nuk është punë procedurash!

Po ashtu, Manjani drejton disa pyetje, përgjigja e të cilave, sipas tij do të zbardhte të vërtetën e skemës mafize të incenerimit të mbetjeve.

?Nëse duan të nxjerrin të vërtetën e skemës mafioze të trajtimit të mbetjeve me incenerim, duhet të gjejnë përgjigjet e këtyre pyetjeve:
1. Përse u vendos trajtimi i mbetjeve me Incenerim?! BE nuk e sugjeron. Është metoda më e shtrenjtë e mundshme, aq më tepër për një vend të varfër si yni.

2. Përse 3 inceneratorë?! I gjithë Ballkani ska asnjë. Kush i bëri llogaritë? Si dolën këto llogari?! Cili është ndikimi reali në mjedis, sot e në vijim?!

3. Përse u përzgjodhën kompanitë koncensionare PA TENDER?! Çfarë avantazhesh të mëdha kishin këto kompani?! Kush i prezantoi pra vendimmarrësve?!

4. Sa para kishin të gatshme për investim koncensionarët dhe cili ishte burimi i këtyre parave?! Ligji antimafia është shpikur për këtë rast.

5. Cila ishte analiza e leverdishmërisë ekonomike e trajtimit të mbetjeve me incenerim? A u llogariten tarifat e rritura? Po pushteti lokal a mori pjesë dhe deri në çmasë?

6. Cila është pronësia e të tre kompanive të inceneratorëve?!

7. Cilat janë detyrimet financiare të shtetit që burojnë nga këto kontrata?! Përse paguhen para për incenerim pa inceneratorë?!

8. Cila është hierakia e vendimarrjes publike dhe cilat janë përgjegjësitë në secilën hallkë të saj?

9. A kishte fond në dispozicion buxheti i shtetit kur u lidhën kontratat veç e veç, fond i cili do të përballonte detyrimet kontraktore?! Mos kemi të bëjmë me një skemë piramidale?! Me një Sude-qeveri!!!?-shkruan Manjani.

Sipas ish-ministri, përgjigjet e këtyre pyetjeve gjenden në dokumenta zyrtarë por edhe në pyetjen e personave përgjegjës.

?Në tilla raste bëhet një ekspertizë e plotë dhe e gjithanshme, mundësisht me ekspertë jashtë Shqipërie, të cilët duhet të zbërthejnë këtë skemë sipas këtyre pyetjeve.
Kjo do duhej të ishte skema dhe plani i hetimit.

Natyrisht nuk përjashtohet dhe hetimi i përgjegjësive procedurale, ppr ajo nuk çon tek thelbi i problemit.
Kjo që sugjerojnë dhe bëjnë hetuesit politikë në parlament e SPAK, ku gjejmë kush firmosi e kush e lagu pa e lagur, pa kokë, pa trup e pa një bosht llogjik, nuk çojnë në zbardhjen por në mbylljen e skandalit!!!

Kjo çështje mund të ishte një rast i mirë për ta hetuar këtë sude-shtet fund e krye.?-përfundon postimin e tij Ylli Manjani./CNA.al





Lajmet e fundit nga