E fundit!

22:46 Aktualitet

Pas ndeshjes, protestuesit zhvendosen te selia e PD-së: Opozitë e shitur

Pas ndeshjes, protestuesit janë zhvendosur para selisë së ...

“Gjyqtari Ziri ishte me Partinë Demokratike sot”, shpërthen Memelli: Kush është ajo skuadër që mua më ka dominuar këtë sezon?!

9 Shkurt 2022, 18:06, Sport CNA

Trajneri i Skënderbeut, Migen Memelli, foli pas humbjes 1-0 në ndeshjen e dytë të Kupës së Shqipërisë ndaj Teutës. Në prononcimin për ?Gol pas Goli?, tekniku pogradecar nuk i kurseu ironitë për gjyqtarin. Sipas tij, korçarët u penalizuan nga vendimet e gjyqtarëve në duelin e sotëm:

ELIMINIMI- Erdha për një no-coment, por për respekt po i bëj disa komente. Nuk kemi anë psikologjike të rënduar. Luajtëm si superior dhe aspak si skuadër inferiore. Morëm një gol me penallti shënuam një gol të rregullt. Për sa kohë që gjërat nuk i bëjmë dot me forcën e fushës, nuk i zhbëjmë dot jashtë fushës. Ziri ishte me Partinë Demokratike sot. Nuk kam asnjë problem me veten unë.

Luajmë me të gjitha skuadrat si të barabartë, përpos detajeve. Kjo punë subjektive është, mendimet janë të ndryshme. Nuk kam se çfarë të zhbëj më.

Kush ma heq të drejtën mua të synoj Kupën, për sa kohë e kam guximin bashkë me lojtarët. Zgjuarsia i takon tjetër kujt, guximi më takon mua. Lojtarët kanë dhënë maksimumin, maksimumin do japin edhe ne.

GJYQTARI BLERIM ZIRI- Gjyqtari është me PD-në, unë nuk di të gjykoj. Unë dua të hyj në votime i barabartë. Bujar Pregja më tha se marrim si referencë gjykimin që i bëjnë ata momentit jo rregullores. Varet nga ata. Dajan Shehi dhe mbrojtësi i Teutës nuk e prekën topi te goli i anuluar.

NDESHJA- Posedimi i topit nuk është faktor kyç, por të krijosh një volum të madh te 1/3-ta e kundërshtarit, e gjithë pjesa tjetër ka folur për ne. Nuk kemi çfarë iu kërkojmë lojtarëve, unë vetëm dua t?i përgëzoj. Kush është ajo skuadër që mua më ka dominuar këtë sezon?

VENDIMET- Te goli i anuluar ka tërheqje te Dajan Shehi. VAR-i hyn për të na anuluar golin, por penallti nuk na japin. Komplimente Teutës, ne na ngelet pjesa për të bërë mirë në kampionat. Kjo puna jonë këtu ka stres, dua të falënderoj lojtarët për forcën që kanë treguar. Të gjitha pjesët e tjera i ngelet të ardhmes. Kam qenë gjithmonë i drejtpërdrejtë. Një nga dëshirat më të mëdhaja është që ta shikoj Ervin Bulkun trajner në Superligën Shqiptare?, u shpreh Memelli.