web counter
LEXO PA REKLAMA!

SHKARKO APP

App Store
Google Play

E fundit!

x

Meta-Basha, “dëshmorët” e 25 Prillit/ Lanë kosat e sfurqet dhe nisën luftën

5 Maj 2021, 10:07, Politikë CNA

Presidenti Ilir Meta, nuk ka mundur dot të shkëputet nga politika e ditës edhe në homazhet e zhvilluara në nder të Dëshmorëve të Atdheut.

Nga varrezat e Dëshmorëve, Meta nuk ka hequr dorë nga thirrjet për liri.

?Kjo është dita të angazhohemi për të bërë shumë më tepër, që qytetarët shqiptarë të gëzojnë liritë që u takojnë në atdheun e tyre, që Shqipëria të ketë vendin që meriton në BE, e sidomos që të rinjtë e të rejat të kenë një të ardhme europiane në vendin e tyre??, u shpreh Meta.

Edhe Meta, ashtu si kreu i PD-së Lulzim Basha, ka në kokë një luftë.

Një luftë të cilën e kanë shpikur pasi ranë ?dëshmor? me 25 Prill.

LSI e Ilir Metës arriti të merrte vetëm katër mandate, nga 19 që kishte marrë në zgjedhjet e kaluara parlamentare.

Rezultatet treguan se më tepër se një dështim, ishte një falimentim i LSI-së, së Metës.

Në këtë dështim Meta tërhoqi edhe Partinë Demokratike dhe Lulzim Bashën, me koalicionin që Monika Kryemadhi firmosi me ta.

?I mbyturi të mbyt?, thotë populli. Dhe kështu ndodhi.

LSI që prej kohësh kishte filluar të mpakej e dobësohej me largimin masiv të drejtuesve, anëtarëve, e deputetëve, ?zhyti? edhe PD thellë e më thellë, duke e lënë në Opozitë.

Meta nuk e përtyp dot shkrirjen e LSI dhe del e thotë, se sot më shumë se kurrë duhet të angazhohemi për liri.

Shqipëria nuk është në luftë, thjesht ka bërë zgjedhjet parlamentare, një procedurë normale si në çdo vend të botës, ku LSI ka dalë vetëm me katër mandate.

Shqipëria ka bërë zgjedhje të cilat Meta, nën kostumin e Presidentit i vlerësoi, pavarësisht thirrjeve për rebelim, prerje duarsh e mprehje kosash e sfurqesh.

Deklaratat të cilat u mbështetën nga Lulzim Basha dhe të tijët.

Tashmë kosat e cfurqet i ka lënë mënjanë dhe del e mban ligjërata për liri, ndërkohë që mazhoranca ka kërkuar shkarkimin e tij, nga posti i Presidentit, me argumentin se ka shkelur Kushtetutën, para, gjatë dhe pas fushatës zgjedhore.

Nga ana tjetër Basha nuk justifikon dot humbjen dhe dështimin dhe del e ngre pluhur duke thënë, se lufta sapo ka filluar.

Ndërkohë sa vijnë dhe shtohen zërat nga brenda PD ?së për largimin e tij nga drejtimi i Partisë Demokratike.

Dyshja e ?dëshmorëve?, të 25 Prillit, Meta-Basha, po kërkojnë me ngulm që mbajnë karriget në pozicionet që kanë, ndërkohë që të dy, turpin për dorëheqjet e kanë ngrënë me bukë./CNA.al





Lajmet e fundit nga